Білім беру бағдарламасы МҰҒалімге арналған нұСҚаулық Center of Excellence
жүктеу/скачать 0,78 Mb. Pdf көрінісі
|
Каз Т1 Муғалімге арналған нускаулық
| Коммуникативтік тәсіл екі немесе одан көп адамдардың сөйлесу арқылы қарым-
қатынас жасау үдерісінде ақпарат беру және хабарлау, білім, білік және дағдылармен алмасуы болып табылады. Коммуникативтік тәсілдің нәтижесі тіл арқылы қарым-қатынас жасауға қабілеттілік, яғни тілдік және сөйлеу нормаларын дұрыс пайдаланып, қарым-қатынас жағдайына сай тиімді қатынас тәртібін таңдай отырып, түрлі жағдайларда қарым-қатынас әрекетінің басқа қатысушыларымен ой бөлісу және пікір алмасуға қабілеттілік болып табылады. Коммуникативтік тәсілге сәйкес ұйымдастырылған оқу үдерісі қарым-қатынас дағдыларын және шынайы қарым-қатынас жағдайларына сәйкес жұмыс тәртібін қалыптастыруға ықпал ететін тапсырмаларды қамтуы тиіс (жұптық және топтық жұмыстар).
| 26 | - Оқушылардың коммуникативтік дағдыларын дамыту. Жалпы білім беретін мектептердегі оқу бағдарламасы мақсаттарының бірі ─ түрлі әлеуметтік топтармен ортақ тіл табысуға қабілетті азаматтарды тәрбиелеу. Осы мақсатқа жетуге қажетті дағдыларды дамыту үшін ынталандырушы және қолдаушы ортаны құру керек. Қарым-қатынастың түрлі формаларын қолдану құнды болып саналатын мұндай ортада оқушылар өз пікірін еркін білдіре алады. Оқу бағдарламасы аясында оқушылардың түрлі құралдарды қолдану арқылы сыныптастарымен, мұғалімдермен, көпшілікпен ауызша және жазбаша қарым-қатынасқа түсуі, қазақ тілін сауатты қолдануына қолдау көрсетіледі. Мысалы, «Қазақ әдебиеті» пәні бойынша түсіну мен жауап беруге арналған тапсырма үлгілері: - өлең, толғау, аңыз, драмалық шығармалар, хикаяттарды тыңдау және түсіну, көтерілген мәселелер бойынша өз ойын анық жеткізу, маңызды идеяларды ортаға салу; - өз ойын өзгелердің пікірімен байланыстыра отырып, шығармалардағы әдеби көркемдегіш және стилистикалық құралдардың ерекшелігін сипаттау және анықтау; - дебатқа қатысу, өз пікірін дәлелдеу; - пікірталас (дөңгелек үстел, дебат, айтыс) барысында түрлі қанатты сөздерді қолдана отырып, белгілі бір тақырып бойынша өз көзқарасын негіздеп айту. Сондай-ақ пән бойынша анализ және интерпретацияға арналған тапсырма үлгілері: - медиақұралдардағы материалдарды оқу арқылы ақпараттар мен дәлелдемелерді түсіну, түрлі көзқарастарды талдау және салыстыру; - күрделі және көлемді шығармалардағы кейіпкерлердің психологиялық көңіл-күй өзгерісіне автор көзқарасын анықтау, себебін білу және дәлелдеу; - шығарманың бөліктерін түсініп оқу, ақпаратты зерттеу және синтездеу; - жоспарлар, тезис, конспект, сұхбат, репортаж, эсселерді жазу және редакциялау; - ақпараттық ресурстарды қолдана отырып, әлем әдебиетінің құндылықтары туралы зерттеу жүргізу және сыни тұрғыдан ойлау арқылы сын-пікірлер айта білу; - әдеби шығармаларды, БАҚ және интернет материалдарын өз бетімен оқу және түсіну. Қазақ әдебиетінде бағалау мен салыстыруға арналған тапсырма үлгілері: - әдеби шығармалардағы ақпараттарды синтездеу; - әдеби шығармалардың аудармалары бойынша ауызша және жазбаша тапсырмалар ұйымдастыру. - әдеби шығармада көтерілген мәселенің әлеуметтік рөлі, туындының эстетикалық құндылығы, оның қазақ әдебиеті мен әлем әдебиетіндегі орны туралы шығармашылық жұмыстар /эссе жазу («Қазақ әдебиеті» пәні бойынша үлгілік оқу бағдарламасы»).
жүктеу/скачать 0,78 Mb. Достарыңызбен бөлісу:
|