Байланысты: Қарапайым математикалық ұғымдарды қалыптастыру
Ортаңғы топтағы кеңістік ұғымдарымен таныстыру әдістемесі .
Өзінен қарай кеңістікті бағдарлау дағдыларын меңгеру, берілген бағытта жүру
(алға-артқа, солға-оңға); өзіне байланысты заттардың орналасу жағдайларын
нақтылауға (менің алдымда үстел, менің оң жағымда есік) баулу. Кеңістік
қатынастарымен таныстыру: алыс-жақын (үй алыста тұр, ал қайың ағашы
жақын жерде өседі).
Ортаңғы топта тәрбиешіге баланың сөйлеу тілінде кеңістік қатынасы,
қашықтық, алшақтық, бағыттарды сипаттайтын сөздерді белсенді түрде
қолдануға ерекше мән беру керек. Осыған орай «Не өзгерді?», «Тығылмақ»
және т.б. дидактикалық ойындар мен жаттығуларды пайдаланудың маңызы зор.
