Патофизиология пәні, мақсаты мен міндеттері және оларға жету
Бездердің аутоиммундық бүліністері. Б
жүктеу/скачать 6,36 Mb. Pdf көрінісі
|
Патофизиология учебник (1)
| Бездердің аутоиммундық бүліністері. Б
ез қызметтерінің бүліністері жиі аутоиммундық үрдістерден болады. Без тіндеріне қарсы аутоантиденелер, сезімталдығы көтерілген Т-лимфоциттер түзілуі ықтимал. Көрсетілген аутоантиденелер мен сезімталдығы көтерілген лимфоциттер эндокриндік бездерді шабуылдап, олардың қызметтерін төмендетеді. Мәселен, қалқанша, қалқаншасерік, бүйрек үсті бездерінің, ұйқыбездің аутоиммундық бүліністері және олардың атрофиясы даму мүмкіншіліктері жиі кездеседі. Хашимото жариялаған тиреоидиттің даму негізінде 669 аутоиммундық үрдістердің маңызы әбден дәлелденген. Бұл дерт кезінде қалқанша бездерінің қалыптыдан өсіп кетуі (зоб), қызметінің жеткіліксіздігі (гипотиреоз) байқалады. Бездің құрылымы өзгеріп, без тінінде лимфоциттердің жиналып, шоғырланып қалуы болады, оның көпіршіктері азайып, дәнекер тін тым артық өсіп кетеді. Біртіндеп микседема дамуы ықтимал. Инсулинге тәуелді диабет кезінде де, ұйқыбездің инсулин өндіру қызметі аутоиммундық бүліністерден бұзылуы мүмкін. Бұл кезде үйқы безінің альфа -және бета- жасушаларына қарсы аутоантиденелер мен сезімталдығы көтерілген Т-лимфоциттер өндіріледі. Көрсетілген аутоантиденелер мен лимфоциттер ұйқыбез жасушаларының сыртындағы глюкозаны қабылдайтын рецепторларға немесе Са 2 иондарын байланыстыратын мембрананың бөлшектеріне қарсы бағытталған болуы мүмкін. Сол себептен олар, біріншіден, инсулин мен глюкагонның түзілуін, екіншіден олардың қанға шығарылуын бұзады. Осыдан қантты диабеттің клиникалық көріністері де әртүрлі болады. Бүйрек үсті бездерінің аутоиммундық бүліністері нәтижесінде олардың созылмалы жеткіліксіздігі дамып, Аддисон ауруының көріністері байқалады. жүктеу/скачать 6,36 Mb. Достарыңызбен бөлісу:
|