«Оқушылар оқитын материалды өз бетімен зерттеуге мүмкіндік алса, оқуға ынтасы арта түседі .» Питер Клайн
Мұғалімнің сабаққа дайындалуы.
Сабақты ғылыми - әдістемелік деңгейде, тиімді өткізу үшін мұғалім сабаққа дайындалуы тиіс. Ол үшін өзінің жұмысын жоспарлау керек. Оқыту жұмысы тақырыптық және сабақ жоспары бойынша жүргізіледі. Тақырыптық жоспар оқу бағдарламасы, оқулық, оқу құралдары негізінде жарты немесе толық оқу жылына жасалады. Ал сабақ жоспары - әр сабаққа жасалады, ол оқу жұмысын жоспарлаудың негізгі формасы.
Сабақ жоспары - әрбір мұғалімнің жеке сабақ құжаты. Тиімді жасалған жоспар – тиімді өткен сабақ.
Сабақ жоспарының үлгісі:
Оқу бағдарламасының берілген тарауы бойынша сабақтың күні мен реттік саны анықталады.
Сабақтың тақырыбы.
Сабақтың мақсаты, негізгі міндеттері.
Сабақтың типі, құрылымы немесе дидактикалық кезеңдері.
Сабақтың мазмұны.
Оқыту әдіс – тәсілдері.
Сабақ құралдары.
Үйге тапсырма (мазмұнының түсінікті болуы).
Қорытынды, сабақтың аяқталуы.
Төртінші, бесінші бөлігі сабақтың мазмұны болып табылады. Жасалған жоспар бойынша мұғалім ең әуелі өзінің дайындылығын (білімін) тексереді (есептер шығарып, жаттығу дайындап, тәжірибелер істейді, құрал жабдықтарды тексереді); пәнаралық және пәнішілік байланысты тиімді пайдалану.
