PISA тестілеуіне кім қатыса алады? PISA тестілеуіне 15 жас 3 ай және 16 жас 2 ай аралығындағы білім алушылар қатыса алады. Себебі ЭЫДҰ-ға мүше елдер арасында осы жас аралығындағы білім алушылар міндетті орта білім алу мерзімін аяқтап, ересек өмірге дайындалады.
PISA-ға қатысатын білім беру ұйымдары мен білім алушылар қалай таңдалады? Экономикалық ынтымақтастық және даму ұйымы (ЭЫДҰ) репрезентативтік қағидасына сүйеніп, білім беру ұйымдарының таңдамалы жиынтығын жасайды, яғни таңдалған ұйымдар елдегі орта білім беру ұйымдарының жалпы сипатын нақты көрсете алады. Сол ұйымдардың ішінен зерттеуге қатысатын білім алушыларды компьютерлік бағдарлама кездейсоқ әдіспен таңдайды.
