2. Вольфрам қышқылы және вольфраматтар. 5 мл 5% натрий вольфраматы ерітіндісіне 2-3 мл концентрлі тұз қышқылын құйып, қайнағанша қыздырыңдар. Одан кейін шайынды сулардың рН-ы 4-5 болғанша тұнбаны сумен шайыңдар. Алынған вольфрам қышқылының Н2WО4(WО3?Н2О) 10% қышқыл және сілті ерітінділеріне әсерін көріңдер. Реакция теңдеуін жазыңдар.
№ 104 жұмыс. Уран (VІ) қосылыстары
Қажетті құралдар және реактивтер: стакандар, сынауықтар, уранил нитраты, аммоний сульфидінің ерітіндісі, калий ортофосфатының ерітіндісі, уран нитратының ерітіндісі, электр плитасы, индикаторлар, 10% аммиак ерітіндісі, 10% тұз қышқылы, аммоний карбонатының қаныққан ерітіндісі.
|
1. Уран (VІ) қосылыстары. Уранил тұздары UO22+. Уран нитратының сыртқы түрімен танысыңдар. 2 сынауыққа 3 мл-ден уранил нитратын құйыңдар. Біріншісіне аммоний сульфидін, екіншісіне калий ортофосфатын қосыңдар. Не байқалады? Реакция теңдеуін жазыңдар.
2. Уранаттар. а)Екі стаканға 5 мл уранил нитратын құйыңдар. Бірінші стаканға натрий гидроксидінің ерітіндісін қосып, Nа2[U2О7]L6Н2О тұнбасының түзілгенін байқаңдар. Екінші стакандағы ерітіндіні 800С дейін қыздырып, оған бірнеше тамшы метилоранж тамызыңдар да, индикатордың түсі өзгергенше тамшылатып 10% аммиак ерітіндісін (СО2-сіз) қосыңдар. Аммоний диуранатының (NH4)2[U2О7] тұнбасының түзілу реакциясын жазыңдар.
б) Аммоний диуранатының суспензиясын екі сынауыққа құйып, біреуіне 10% тұз қышқылын, екіншісіне аммоний карбонатының қаныққан ерітіндісін қосыңдар. Реакция теңдеуін жазыңдар.
№ 105 жұмыс. Марганец (ІІ) қосылыстары
Тітіркендіргіш әсері бар. Денсаулыққа қауіпті.
Достарыңызбен бөлісу: |
