2. Элементтердің (ІІІ) гидроксидтері. Екі сынауыққа 5-6 тамшы темір (ІІІ) хлоридінің ерітінділерін құйып, оған 3-4 тамшы 2 н сілті ерітіндісін қосыңдар. Не байқалады?
Бір сынауыққа сұйытылған қышқыл ерітіндісін қосып, ал екінші сынауықта тұнбаның сілтіде еруін бақылаңдар.
1-2 мл кобальт (ІІ) хлоридіне, никель сульфатына 5-7 мл бром суын, содан соң натрий гидроксиді ерітіндісін қосыңдар. Қандай өзгеріс болады?
Тұнба бетіндегі сұйықты мүмкіндінше толық төгіп, содан соң 2 мл концентрлі тұз қышқылын (тартқыш шкафта), сілті құйып, қыздырыңдар. Реакция теңдеуін жазыңдар. Темір (ІІ) және темір (ІІІ) гидроксидтерінің қайсысының негіздік қасиеті басым және оны қалай түсіндіруге болады? Неліктен кобальт (ІІІ), никель (ІІІ) гидроксидтерінің алыну тәсілдерінің темір (ІІІ) гидроксидтерін алу тәсілінен айырмашылығы бар? Темір, никель және кобальт гидроксидтерінің тотығу дәрежелеріне байланысты қышқылдық-негіздік қасиеттері қалай өзгереді?
Ескерту. Темір үшін сұйытылған H2SO4 70%-тен артық болмау керек.
№ 111 жұмыс. Темір, кобальт және никель қосылыстары
Достарыңызбен бөлісу: |
