ОҚЫТУ САПАСЫН БАҒАЛАУДЫҢ ӘДІСТЕМЕЛІК ҰСЫНЫСТАРЫ

1. Оқыту сапасы – педагогикалық қызметтің бағалануы, оқытушының білім алушыларға берген білім деңгейінің көрсеткіші. Білім алушылардың нақты бір пән бойынша көрсеткен білім нәтижесі сол пәнді жүргізген оқытушының білімділігі мен біліктілігіне, тәжірибелілігіне, кәсіби шеберлігіне байланысты.

2. Оқыту сапасын бағалау – университеттің миссиясы мен академиялық саясатына сәйкес оқытушының білім беру қызметін бағалау үдерісі.

3. Оқыту сапасын бағалау келесі бағыттарда жүргізіледі:

• 
  оқытушының кәсіби қызметіне үнемі мониторинг жасау және оның сапасын арттыруға бағытталған шараларды жүзеге асыру;
  

• 
  оқытушы қызметін бағалауға білім алушыларды қатыстыру;
  

• 
  оқыту сапасын қосымша бағалауға жұмыс берушілерді, кәсіпорындар мен ғылыми қауымдастықтардың өкілдерін, тәуелсіз сарапшыларды тарту;
  

• 
  оқытушы қызметін бағалауды ашық және объективті негізде жүзеге асыру, т.б.;
  

• 
  оқыту ресурстары (оқу жоспарындағы пәннің мазмұны, пәннің оқу-әдістемелік кешені, бақылау материалдарымен, оқу-әдістемелік әдебиеттермен қамтылуы);
  

• 
  оқытушының оқу жұмысын ұйымдастыруы (оқу-әдістемелік материалдардың пән бағдарламасына, қазіргі заманғы ғылыми жаңалықтарға, білім беру бағдарламасының мақсаттарына сәйкестігі, сабақты жүргізу формалары мен технологиялары, білім алушылардың өзіндік жұмысының әдістемелік қамтылуы, оқытушының еңбек тәртібі, білім алушылардың оқу тәртібі, білім алушылардың ағымдық үлгерімі);
  

• 
  ресурстардың тиімді пайдаланылуы (сабақта инновациялық әдістер мен технологияларды, техникалық құралдарды, кітапханалық ресурстарды, оқу-зертханалық жабдықтарды қолдануы);
  

• 
  пән бойынша білім алушылардың дайындық деңгейі (пән бойынша оқу жетістіктері, оқу нәтижелеріне білім алушылардың қанағаттануы).
  

6. Оқыту сапасы тек бір критерийге ғана бағынбайтын ұғым болғандықтан, оқыту сапасын бағалау жүйесі көп критерийлі болуы керек. Әр критерий оқыту сапасын тек белгілі бір жағынан ғана көрсете алады, сондықтан оқыту сапасы туралы қорытынды оқытудың негізгі элементтерін жүйе ретінде сипаттайтын көрсеткіштер негізінде жасалады.

8. Оқыту сапасын бағалау әлеуметтік және педагогикалық әдістер арқылы жүргізіледі:

• 
  әлеуметтік (білім алушылар, жұмыс берушілер, әріптес қызметкерлер арасында сауалнама жүргізу, оқыту сапасы бағаланып отырған оқытушы жөнінде басқа оқытушылармен сұхбаттасу және т.б.);
  
• 
  педагогикалық (оқытушының сабағына қатысу, педагогикалық құжаттарды, білім алушылардың жазбаша және шығармашылық жұмыстарын тексеру және т.б.).
  

2-қосымша