Натрий және калий тұздарының бензилпенициллині. Бензилпенициллин көне антибиотиктердің бірі болып саналады. Оны алғаш рет ашқан, зерттеп , бөліп алған ағылшын микробиологы, әрі фармакологы А.Флеминг және ресейлік ғалым З.В. Ермольева болды. Бензилпенициллинді зең саңырауқұлақтарынан алады. Бұл химиялық тұрғыдан 6-аминопенициллин қышқылы туындысы , құрамында беталактам сақинасы бар. Бұл препарат бактерицидтік типте , бірақ әсер етуі тар спектрлі. Ол грамм-оң микроорганизмдерге қатысты тиімді және грамм-теріс бактерияларға шектеулі ғана әсері бар. Оның спектріне барлық кокктар, сібір жарасы таяқшасы , клостридиялар, сіріспе, трепеном , лептоспир, компилобактерия қоздырғыштары енеді. Пенициллин көптеген іріңді бактерияларды қоса алғанда, бактериялардың көптеген түрін жояды. Бірақ: ол іш өткенге, зәр шығаратын мүшелерге түскен инфекцияға, сегізкөз ауруына, көгеріп іскенге, әдеттегі салқын тигенге, қызылшаға немесе басқа дә вирустық инфекцияларда көмектеспейді. Пенициллин миллиграммен (мг) немесе бірлікпен (бр) — бірлік өлшемімен өлшенеді.
