Осы жолдың бірінші нейронының аксондары ішкі капшықтың иіні арқылы төмен қарай жылжып, одан әрі ми бағанының сабауына өтеді.
Бұл өткізгіш жолдың талшықтары ортаңғы мидың бағанында қарама-қарсы жаққа өтеді (қиылыс түзеді). Ортаңғы мида талшықтар бассүйек ядроларының ІІІ және ІV қозғалтқыш ядролары нейрондарында аяқталады және көпір деңгейінде бассүйек нервтерінің V, VІ және VІІ қозғалтқыш ядроларына қарай барады.
Сопақша мида қарсы жаққа өткен талшықтар бассүйек нервтерінің ІХ, Х және ХІ қозғалтқыш ядроларының нейрондарында аяқталады.
Барлық қозғалтқыщ ядролар нейрондарының аксондары бассүйек нервтерінің қозғалтқыш түбіршектерін түзеді және бас пен мойынның қанқа бұлшықеттеріне бағытталады.
Қорытынды
Дененің қозғалыстарымен байланысқан аса маңызды проприцептивті орталық ретінде мишық та организмнің бүкіл үдерістерін басқаратын үлкен ми қыртысына бағынышты болады. Бұл үлкен ми қыртысынан мишық қыртысына келетін арнаулы төмен түсетін жол – tractus corticopontocerebellaris –арқылы іске асырылады.
