Примерные

Инновациялық іс- әрекетті жүзеге асыратын МДҰ әдістемелік жұмысын ұйымдастырудың маңызды шарттарының бірі- жаңа ақпараттық технологияларды пайдалану. Бұл -инновациялық қызметті ақпараттық тұрғыдан қамту үрдісінде бірініші кезекте тұрған мәселе. Алайда, жалпы алғанда, материалдық база жеткілікті түрде жабдықталғанымен, бүгінде бұл үдеріс баяу дамуда. Әдістемелік жұмысты ұйымдастыруды жаңа ақпараттық технологияларды пайдалану мүмкіндіктері жоғары:

• 
  ақпараттық қорды құру (сыртқы қор: нормативтік- құқықтық құжаттар, оқу- әдістемелік, педагогикалық орта туралы мәліметтер, ғылыми- әдістемелік материалдар; ішкі қор: білім беру қызметінің нәтижелері, бала денсаулығын медициналық –сауықтыру іс-шаралары, ата- аналармен жұмыс, мамандармен қамтамасыз ету т.б.)
  
• 
  педагог тұлғасын мекеме, аудан, облыс, ел деңгейінде көрсету (озық тәжірибені білім беру мекемесінен тыс тарату);
  
• 
  әртүрлі деңгейдегі байқауларға қатысу;
  
• 
  кәсіби педагогикалық байланыстарды кеңейту (инретнет желісі арқылы хабар алмасу, біліктілікті арттыру курсында қашықтықтан оқу).
  

Әдістемелік жұмысты диагностикалық негізде ұйымдастыру педагогикалық ұжымның инновациялық мүмкіндігін анықтауға, нақтылап, шығармашылыққа бағыттауға, белгілі бір дәрежеде ортаның инновациялық үдеріске әсер етуінің сипаты мен мөлшерін жоспарлауға мүмкіндік береді.