Жұмыстың мақсаты. Диспрозийдің экстракциялық заңдылықтарын зерттеу және жеңіл балқиты органикалық еріткіштер қатысында трибутилфосфат (ТБФ), ди-2-этил гексил фосфор қышқылымен диспрозийді экстракциялау және экстракциялық процестің ықтималды жағдайын таңдау.
Жұмыстың міндеттері. Диспрозийдің стандартты ерітінділерімен экстракция процесін жүргізу, ықтималды жағдайды таңдап алу, экстракция процесіне әртүрлі факторлардың әсерін зерттеу, құрамында диспрозий бар үлгіден диспрозийді бөліп алу.
Жұмыстың өзектілігі. Қазіргі кезде сирек жер элементтер қатарына жататын диспрозий және оның қосылыстары қасиеттерінің ерекшеліктеріне қарай әртүрлі ғылым саласында, сезімталдығы әрі беріктігі жоғары құрал-жабдықтар жасауда кеңінен қолданылады. Соған байланысты оны алдын-ала концентрлеп бөліп алу мәселесі аналитикалық химия тұрғысынан маңызды.
Теориялық және практикалық маңыздылығы. Әдеби шолу және тәжірибелік зерттеу нәтижелері бойынша алынған мәліметтер, диспрозий экстракциясы бойынша алынған зерттеу нәтижелері ғылыми басылымдарда, зерттеушілер үшін анықтамалық мән ретінде қолдануға болады.
