6.4 СӨЖ тапсырмалары 6.4.1 y=(a1+a2-a3)٨4 өрнегі бойынша есептеу бағдарламасын құрып, әртүрлі дерек мәндерінде (a1, a2, a3) оның жұмысын тексер, бұндағы ٨ – деректердің нақтылы разрядындағы (бұл жағдайда – үшінші разрядындағы) бірлік мәнді табу операциясының символы.
6.5 Тексерім сұрақтары 1. Микропроцессорлық жүйе моделінің құрылымын және оның іскерлік блоктарының қызметін түсіндір.
2. Микропроцессордың ішкі құрылымын және құрама бөліктемелерінің құрылымын түсіндір.
3. Зерттелген бағдарламадағы ауыстыру командаларының іс-әрекеттерін түсіндір.
4. Бағдарламада пайдаланылған арифметикалық және логикалық командалардың іс-әрекеттерін түсіндір. Сәйкесті операциялардың орындалу тәртібін мысалдар арқылы түсіндір.
5. Оқу моделінде айналымды бағдарламалардың ұйымдастырылу принциптерін түсіндір.
6. Деректер массивімен жұмыс ұйымдастырылу принциптерін түсіндір.
7. Сандар қосылымын есептеу бағдарламасының құрылымын түсіндір.
8. Деректер массивінің ішінен нақтылы разрядында бір орналасқан санды табу бағдарламасының құрылымын түсіндір.
7 Зертханалық жұмыс. Intel 8085 микропроцессорлық жүйесі Жұмыс мақсаты:
Intel 8085 микропроцессорының негізіндегі микропроцессорлық жүйенің (МПЖ) құрылымымен танысу;
8085 Simulator IDE симуляторының жұмыс тәртібін игеру;
Intel 8085 микропроцессорының командалар жүйесіндегі, сілтеу тәсілі әртүрлі, дерек жіберу командаларының іс-әрекетімен танысу;
Intel 8085 микропроцессорының сілтеу тәсілі әртүрлі, арифметикалық командалардың іс-әрекетімен танысу;
Intel 8085 микропроцессорының негізіндегі микропроцессорлық жүйенің симуляторының іскерлік мүмкіндіктерімен танысу;
Ассемблер тілінде бағдарлауды үйренуге арналған зертханалық құралыммен жұмыс істеу тәртібін игеру.
7.1 Жұмыс орнының құрал-жабдықтары и файлы: компьютер, 8085 Simulator IDE бағдарламасы;
зертханалық құралым PU-2000 фирмы Degem Systems;
EB-151 және EB-152 тақтайшалары;
жалғама сымдар.
