E дәрумені препаратын дайындау желісі. E дәрумені сұйық токоферолацетат күйінде келсе, онда толықтырғыш, кремний тотығы және Е дәруменін таразылы мөлшерлегіште өлшеп, мына қатынаста 10:1:1 араластырғышта алдымен толықтырғыш, одан кейін Е дәруменін қосып 10минут араластырып, одан кейін кремний тотығын қосып тағы 10 мин араластырады. Алынған ұнтақ күйіндегі Е дәруменін микроқұрауыштарды мөлшерлеуге арналған қорапқа жібереді.
Йодты калийді дайындау желісі. Йодты калийдің микроэлемент тұздарымен араласқанда ыдырауын болдырмау үшін оны тұрақтандырады. Ол үшін калий стеараты немесе натрий тиосульфатын йодты калий массасы бойынша 10% қосады. Йодты калий мен тұрақтандырғыш заттарды таразыда өлшеп, араластырғышта 10мин араластырады.
