Ұйықтататын дәрілер
Ұйықтататын дәрілер – ішке қабылдағанда қалыпты ұйқының туындауына әкелетін, әртүрлі топтардағы дәрілер.
Қазіргі уақытта осы мақсатпен әртүрлі фармацевтикалық топтарға жататын (транквилизаторлар, тыныштандыратын дәрілер, гистаминге қарсы, оксибутират натрия ж.т.б.) дәрілік препараттар қолданылады.
Ұйықтатқыш белсенділігі бар препараттар өздерінің әсер ету принципі мен химиялық құрылымы бойынша жіктеледі:
1. ГАМҚА рецепторларының агонисттері (бензодиазепинді);
а/ бензодиазепиндер: Нитразепам, Диазепам, Флунитрозепам, Триазолам;
б/ бензодиазепинді емес (химиялық құрылымы әртүрлі препараттар): Золпидем, Зопиклон.
2. Наркотикалық типті әсер ететін ұйықтатқыш дәрілер:
а/ гетероциклді қосылыстар, барбитураттар: Фенобарбитал;
б/ алифатикалық қосылыстар: Хлоралгидрат;
3. Әртүрлі топтағы ұйықтатқыш дәрілер:
а/ H1 гистаминді рецепторлардың тежегіштері: Доксиламин.
б/ наркозға арналған заттар: натрия оксибат;
в/ Эпифиз гормонының мелатонин препараттары. – мелатонинді рецепторлардың агонистері: Рамелтеон.
Нитразепам (Nitrazepam), радедорм, эуноктин. Нитразепам бензодиазепин туындысы болып табылады және фармакологиялық қасиеті бойынша транквилизаторларға ұқсас болады, бірақ оның ерекшелігі айқын ұйықтатқыш әсерінің болуында. Психо-эмоциялық өзгерістерді тыныштандырады, қимыл-жүрістер, ой-пікірлер төмендейді. Бірақ, көп пайданалуға болмайды, өйткені денеге тез жиналып улануға әкелуі мүмкін. Ұйқының ұзақтығы 5-6 сағатқа созылады.
Достарыңызбен бөлісу: |
