Студенттің зертханалық сабақтағы жұмысын бағалау к

Егер дәлелді себептерге байланысты білім алушы сабаққа қатысып алалмаса, жіберіп алған тақырыптың қысқаша мазмұнының түйіндемесін ұсынуға міндетті.Зертханалық сабақтарға дәлелді себептермен қатыспаған білім алушылар оқытушы рұқсат еткеннен кейін, лаборанттың қатысуымен қосымша уақыт ішінде өтейді.

Жұмыстардың барлық түрлерін орындамаған білім алушылар емтиханға жіберілмейді.

Академиялық құндылықтар. Білім алушылар Болашақ университетінің Академиялық адалдық кодексін орындауға міндетті. Толерантты, өзгелердің пікірімен санасатын болуы тиіс. Наразалығын әдепті түрде жеткізуі керек. Плагиат және басқа теріс жұмыс түрлеріне жол берілмейді. Аралық және шептік бақылаулар, midterm және қорытынды емтихан өткізу кезінде сыбырлап айтып жіберуге, көшіріп жазуға және шпаргалкалар пайдалануға, басқа біреулер шығарған есептерді көшіріп алуға, басқа біреудің орнына емтихан тапсыруға жол берілмейді. Курстың кез келген ақпаратын бұрмалаудан, интернетке рұқсатсыз кіруден, шпаргалкаларды пайдаланудан әшкереленген білім алушы «F» қорытынды бағасын алады.

Өзіндік жұмыстарды орындау (БӨЖ), оларды тапсырып, қорғау жөнінде кеңестер алу, сондай-ақ өтілген материалдар бойынша қосымша ақпараттар алу және оқитын курс бойынша туындаған барлық басқа сұрақтар бойынша білім алушылар оқытушыға оның офис-сағаттары кезінде жүгінуге құқылы.

Халықтың экологиялық қауіпсіздігін,тұқым қорларының сақталуын қамтамасыз ету үшін,табиғат ресурстарын қалпына келтіру және ұтымды пайдалану мақсатында,табиғи ортаға рауалды әсер ету шамасын белгілеу үшін экологиялық нормалау қолданылады.Белгіленген тәртіппен жасалған және бекітілген нормативтер стандарт сапасына ие болады.

ҚР “Қоршаған ортаны қорғау туралы”заңында экологиялық нормалау негіздері айқындалған қолайлы табиғи ортаны сақтау,экологиялық қауіпсіздікке кепілдік беру үшін табиғи ортаға шаруашылық және өзге әрекеттерді мемлекеттік реттеу мақсатымен табиғат қорғау және пайдалану саласында экологиялық нормалау жүргізіледі.Нормалаудың мағынасы табиғи ортаның сапасын,оған жол берілетін әсерлерді,нормаларды,стандарттарды және өзге нормалық құжаттарды белгілеу.

Нормативтер қазіргі ғылыми-техникалық жетістіктер негізінде халықаралық ережелер мен стандарттарды ескере отырып жасалады және қолданысқа енгізіледі.Нормалау жұмыстары мыналарды қамтиды:

Нормаларды айқындау, ғылыми - ізденіс жұмыстарын жүргізу;

-белгіленген тәртіппен сараптамадан өткізу,бекіту және жариялау;

-нормалар қабылдау немесе өзгерту негіздерін анықтау;

-нормалардың орындалуын,қолданысын бақылау;

-нормативтердің біртұтас ақпарат базасын қалыптастыру;

-нормалар қолданудың экологиялық,әлеуметтік және экономикалық салдарын бағалау және болжау;

-адам денсаулығын,табиғи ресурстарды қорғауға,молықтыруға және ұтымды пайдалануға ықпал ету;

-қоршаған ортаға зиянды әсерлердің жол берілетін шекті шамалары мен деңгейлерін белгілеу.

Экологиялық нормативтердің негізгі түрлері:

-қоршаған ортада зиянды заттардың жол беруге болатын шекті шамада шоғырлану нормативтері;

-қоршаған ортаға ластайтын заттарды жол берілетін шекті шамада шығару және тастау нормативтері;

-шудың,тербелістің,магнит өрістері мен өзге де зиянды физикалық әсерлердің жол беруге болмайтын шекті деңгейінің нормативтері;

-радиациялық әсердің жол беруге болатын шекті деңгейінің нормативтері;

-агрохимикаттарды ауыл және орман шаруашылықтарында қолданудың нормалары;

-қорғау,санитарлық қорғаныс және өзге де қорғаныс аймақтарының нормативтері;

-зиянды (ластаушы) заттарды шығарудың,тастаудың үлес нормативтері.