Сабақтың мақсаты: тақырып бойынша теориялық білімді бекіту, ашытылған сүт өнімдерін сараптауға баулу.
Методикалық нұсқау. Ашытылған сүт өнімдерін майы алынбаған немесе майсыздандырылған сүтке сүт қышқылды бактерияларды қосып дайындайды. Бұл кезде олардың әсерінен сүтқышқылды немесе біруақытта алынатын өнім түріне байланысты спиртті ашу басталады. Ашытылған сүт өнімдеріне простокваша, ацидофилин және ацидофильді сүт, қаймақ, ірімшік, ал сүтқышқылды және спиртті ашытылған өнімдерге айран және қымыз жатады. Ашытылған сүт өнімдерін сараптау әр өнімнің сыртқы түрін, ыдысын, маркировканы МС сәйкестігін тексеру арқылы басталады.
