5.4.4.4. Сан есімнің мағыналық түрлерін ажырата білу, сан есімді зат есімнің орнына қолдана білу.
Сабақ мақсаты:
Барлық оқушылар: Суреттер мен тірек сөздерді қолданып тақырыпқа болжам жасайды, тыңдалым бойынша негізгі ақпараттарды анықтайды.
Көптеген оқушылар: Суреттер мен тірек сөздерді қолданып тақырыпқа болжам жасайды, тыңдалым бойынша негізгі ақпараттарды анықтап, айтылымда қолданады.
Кейбір оқушылар: Суреттер мен тірек сөздерді қолданып тақырыпты болжайды, тыңдалым бойынша анықтаған негізгі ақпараттарын тақырыпты дамыту үшін тиімді қолданады.
Өзіне және өзгелерге құрмет мұғалім мен оқушылардың бір-бірімен амандасуында, сыпайы, ойын ашық білдіріп, тыңдауда, сабақты уақытында бастап, аяқтауда, тапсырмаларды нұсқалық бойынша орындауда, бір-біріне қолдау көрсетуінде көрініс табады. Патриотизм мен азаматтық жауапкершілік құндылығы оқушылардың астрономияға қатысты мәселені түсінуі арқылы жүзеге асырылады. Өмір бойы оқу құндылығы сабақ мақсатын түсінуі, кері байланыс, рефлексия, алған білімінің практикалық мәнін түсінуде көрініс табады. Ашықтық оқушыларға ақпаратты алуда бірдей мүмкіндіктер беруде, өз білімін бағалау мен кері байланыс беруде орын алады. Еңбексүйгіштік оқушылардың жеке және жұпта белсенді жұмыс жасауында көрініс табады.
Тірек сөздер мен иллюстрациялар арқылы тақырыпты болжау.
Аспан денелері тақырыбына қатысты термин сөздер мен мәліметтерді меңгеру.
Тәжірибеде меңгерген термин сөздерді сөздерді қолдану.
Дескрипторлар:
Суреттердің көмегімен тірек сөздерді анықтайды.
Тірек сөздер мен суреттер мазмұны бойынша тақырыпқа болдам жасайды.
Тақырып бойынша ойларын ортаға салады.
Тыңдалымдағы тірек сөздер мен маңызды бір ақпаратты анықтайды.
Ақпараттарын айтылымда қолданып, тақырыпқа талқылау жүргізеді.
Термин сөздерді айтылымда орынды қолданады.