Оқушыны дұрыс отырғызудың физиологиялық негіздері Адамның дене және ой еңбегі кезіндегі белгілі жұмыс қалпы бұлшық еттердің статистикалық ширығуына байланысты. Бұндай жағдай, әсіресе оқушылар ұзақ уақыт қимылсыз сабақта отырғанда байқалады. Ұзаққа созылған статистикалық жұмыс сабақ барысында тез шаршауды туғызатын негізгі фактор. Бұл орталық жүйке жүйесінің ерекшеліктеріне (қозу процесінің басым болуы) және сүйек-бұлшық ет аппаратының жеткіліксіздігіне байланысты төменгі сынып оқушыларында жиі кездеседі. Партада отырған кезде статистикалық күшті азайтудың негізгі жолы, оқушының дұрыс отыруын қадағалау және партаны оның бойына сәйкес таңдай алу.
Стол мен орындықтың бір-біріне сәйкес келмеуі әр бұлшық ет топтарына әр түрлі күш түсіріп, олардың тез қажуын туғызып, бұлшық ет ассиметриясының нәтижесінде сымбаттың бұзылуына мүмкіндік жасайды.
Стол төмен, орындық биік болса оқушы алға қарай еңкіш отырады да, нәтижесінде көкірек қуысы мен құрсақ қуысы қысылыңқы жағдайға келеді. Оң иық төмен түсіп, сол жаққа бағытталған сколиозды туғызады.
Стол биік, орындық төмен болса оқушының оң иығы жоғары көтеріліп, оң жаққа бағытталған сколиоз туғызады.
Партада дұрыс отырмау оқушыны тез шаршатады, жұмыс қабілетін және ынтасын төмендетеді, сонымен бірге кітап пен көздің арақашықтығы дұрыс болмағандықтан көру өткірлігі төмендейді.
