Сабақ 37 Мектеп Қант зауыты
жүктеу/скачать 0,5 Mb.
|
- Бұл бет үшін навигация:
- Бірінші(ілгері) деңгей мұғалімі Тулегенова Кульмира Сағымбековнаның рефлексивтік есебі.
   
Бірінші(ілгері) деңгей мұғалімі Тулегенова Кульмира Сағымбековнаның рефлексивтік есебі. Қаңтардың 28 күні 10а сыныпта Рахимова Бағжан Серікханқызы «Қазақ хандығының қалыптасуы және нығаюы» деген тақырыпта сабақ өткізді. Сабақты бірге жоспарладық. Мұғалім оқушылардан үйге берілген тапсырманы «Шеңбер» әдісін қолдана отырып сұрады. Ойын шарты бойынша сыртқы шеңбердегі оқушылар ішкі шеңбердегі оқушыларға сұрақтар қойды. Содан кейін ішкі шеңбердегілер сыртқа тұрып, ойын жалғасып, өткен тақырыптарды қайиталады. «Пазл» әдісін қолдана отырып, сынып оқушылары екі топқа бөлінді. Оқушылар қима қағаздарды құрастыра отырып, артында жасырылған кіріспе сұрақтарды оқып, сол сұрақтарға жауап береді. «Ой қозғау» әдісін қолдана отырып жаңа тақырыппен оқушылар өздері танысты. Сабақта оқушылар сабақтың табыс критерийлерін өздері анықтай білді. 1-ші топ қазақ хандығы құрылуының алғышарттарымен, қазақ жұртының Өзбек ұлысынана бөлініп шығуымен танысып, тақырыпты постер түрінде қорғады. 2-ші топ қазақ хандығының құрылуы мен нығаюы туралы мәліметтермен танысып, өздерінің білімдерін көрсете білді. Топтар бір-біріне сұрақтар қойып, бірінің жұмысын бірі бағалай білді. Оқушылардың бір-бірін бағалауға үйрене бастағаны байқалды. «Мен кіммін?» («Он сұрақ» әдісі) ойыны арқылы Керей мен Жәнібек хандардың суретін басына жапсырып он сұрақ қою арқылы кім екенін тауып оқушылар тақырыпты түсінгендіктерін байқатты. Бұл әдіс оқушылардың қызығушылықтарын оятты. Мұғалім «Пайымдау сұрақтары» әдісін қолдана отырып, сабақты қорытындылады. Сұрақ қою барысында формативті сұрау әдісін ұтымды қолданды. «Табыс ағашы» әдісін қолдана отырып, сабаққа кері байланыс алынды. Кері байланыс беру барысында оқушылар осы тақырыпты жақсы түсінгендіктерін айтып, өздеріне алдағы уақықа мақсат қоя білді. Оқушылар бағалау парағы бойынша өздерін өздері бағалады. Сабақ оқу мақсатына сәйкес өтті. Сабақта оқушылар Қазақ хандығы құрылуының алғышарттарымен, қазақ жұртының Өзбек ұлысынана бөлініп шығуымен, қазақ хандығының құрылуы мен нығаюы туралы мәліметтермен танысып, білім –білік дағдылары қалыптасты. Сыныпта оқушылар тақырыпты өз бетімен меңгеріп, топта бірлесіп жұмыс жасай білді. Мұғалім жоспарланған әдіс -тәсілтерді ұтымды пайдалана отырып, әр шараға уақыт белгілеп, жоспарланған іс-шаралар толығымен жүзеге асты. жүктеу/скачать 0,5 Mb. Достарыңызбен бөлісу:
|