Балаларға арналған әндер және музыкалық көркем құрал – «тембр» туралы түсінік алады. «Түсаукесер жырын» ұжыммен бірге орындайды «Кімнің даусы?» дидактикалық ойынына қатысады.
1-тапсырма. Тыңдау. Талдау.
Оқулықта берілген мәтінді өзі айтып береді немесе жақсы оқитын балаға оқып беруді ұйғарады.
«Қазақ халқының өмірінде ән мен күй ерекше орын алады. Музыка арқылы біз ата- бабаларымыздың тұрмыс салтын білеміз. Музыка адамдардың туған жерге, табиғатқа деген махаббатын жеткізеді Халқымыз балаларға көп ән арнаған. Осындай әндерінің бірі – «Бала уату».
Бала уату
(Қазақтың халық әні)
Әлди-әлди, бөпем-ай,
Әлди әнге салам-ай.
Әлди әнге мен салсам,
Бөпем ұйықтап қала ма-ай?..
Тапсырмалар:
-Бейнетаспадағы көріністі мұқият қарап, әнді тыңда.
-Ән тыңдағанда әуеніне, сөзіне көңіл бөл.
-Өз түсінігіңді айтып бер.
Халқымыз балаларға арнап көптеген әндерді мұра ретінде қалдырғаны туралы мұғалімнің әңгімесін және үнтаспаға жазылған «Бала уату» әнін тыңдайды.
1-тапсырма. Тыңдау.Талдау. (жалғасы)
Мәтінді өзі айтып береді немесе бір оқушыға оқытады. «Өмірге жаңа келген сәбиге ата-анасы мен жақсындары шілдехана тойын жасайды. Жастар жиналып, ән айтып, күй тартады, әртүрлі ойындар ойнайды, уақытты көңілді өткізеді. Келген қонақтар «баланың бауы берік болсын» деп тілек білдіреді».