10 сыныпқа арналған «Кәсіпкерлік және бизнес негіздері» оқулығы. Авторлары; Е.С. Дуйсеханов, С.А. Щеглов, Д.Ханин, А.А. Сейтенова.
1-бөлім
Сабақтың соңы 10 мин
5-тапсырма Илон Маск бизнес-кейсі Сізді неге үйретті? Сіз ресурстар мен өндіріс факторлары туралы қандай қорытындылар жасай аласыз?
Илон Маскті 21 ғасырдың «жұлдыз» кәсіпкері деп санайды. Оның образы «Темір адам» кейіпкерінің негізіне алынды. Өйткені Маск өндіріс үшін қажетті ресурстар мен факторлар моделін түбегейлі қайта қарастырды. Адамзат алдында тұрған «проблемалар» негізінде ол оларды шешудің тиімді тәсілдерін іздейді, автомобильдерге арналған электр қуаты, күн энергиясы тәрізді дәстүрлі емес ресурстарды және, әрине, өзінің және өз қызметкерлерінің зияткерлік әлеуеті – еңбек ресурстарына ие бола отырып, оларды ғылым, ақпарат және кәсіпкерлік қабілеті сияқты өндіріс факторларына айналдыра білді.
Қазір сіздер барлығыңыз өздеріңіздің сыныптастарыңызбен тең дәрежедесіздер – ұшқыш, бизнесмен немесе тіпті ел президенті болу үшін сіздердің шамамен бірдей мүмкіндіктер мен әлеуетіңіз бар деуге болады. Көздеген мақсаттарыңызға жету үшін сізге керегі – бұл кәсіпкерлік ресурстарыңызды дұрыс басқара білуге және өзіңізді дамытуға үйрену. Илон Маск өз жолын Оңтүстік Африкадан Канадаға келген және жер қазушы болып істеген белгісіз кедей жігіті ретінде бастады. Бүгінгі жұлдызды миллиардер мен сол белгісіз жігіттің арасында тек қана қажырлылық, еңбекқорлық, өзіне және өз идеялары мен өз жолында кездескен барлық мүмкін болатын ресурстарды басқару шеберлігіне деген сенім болды.
Оқушыларға Илон Маск туралы өз пікірін
білдіруге мүмкіндік беріңіз. Кейс ресурстарды іздеуге және оларды өндіріс факторларына түрлендіруге қажетті жаңа стандартты
емес тәсілдерді іздеуге шабыттандыруы тиіс.
Әлемдік бизнес-аренада керемет жетістікке
қол жеткізген Африкадағы қарапайым баланың
тарихы, кез келген табысты бизнестің негізінде, ең алдымен, оның негізін қалаушының
кәсіпкерлік ойы, содан кейін ғана қаржы немесе
материалдық ресурстар жататынын көрсетеді.
