Еңбекті қорғауды қамтамасыз ету жөніндегі жұмыстарды ұйымдастыру

3.8.1.1 Жұмысты тиімді ұйымдастыру үшін кәсіпорынның құрылымын сипаттау, әрбір бөлімше мен нақты орындаушы үшін міндеттерді айқындау, құрылымдардың арасында барлық құрылымдардың жұмыс істеуін қамтамасыз ететін қажетті байланыстарды қарастыру, басқару жүйесінің құжаттарында белгіленген талаптар мен олардың орындалуын қамтамасыз ету жөніндегі шараларды мазмұндау қажет.

Еңбекті қорғау жөніндегі жұмыстарды ұйымдастыру мыналарды көздейді:

а) жоғары буындағы басшылық пен кәсіпорын мамандарының, бөлімшелер мен қызметкерлердің арасында еңбекті қорғау бойынша міндеттер мен жауапкершілікті бөлуді;

б) қызметкерлер мен олардың өкілдерінің еңбекті қорғауды басқаруға қатысуын;

в) қызметкерлерді оқыту мен даярлауды;

г) еңбекті қорғау қызметін ұйымдастыруды;

д) еңбекті қорғауды басқару жүйесінің құжаттамасын әзірлеу рәсімдерін жасауды;

е) еңбекті қорғау жөніндегі ақпаратты жинау және жөнелту процесін жүргізуді.

3.8.1.2 Қабылданған тұжырымдаманың негізінде еңбекті қорғауды қамтамасыз ету жөніндегі жұмыстарды ұйымдастырудың аяқталуы:

а) кәсіпорынның онда еңбекті қорғауды қамтамасыз ету жөніндегі мақсатын жасап айқындауға;

б) еңбекті қорғауды қамтамасыз ету жөніндегі жұмыстарды жоспарлауды жүзеге асыруға;

в) қажетті ресурстарды бөле отырып, талап етілетін еңбекті қорғау және еңбек қауіпсіздігін қамтамасыз ету жөніндегі жұмысты ұйымдастыруға, сондай-ақ персоналды тиесілі даярлауды жүзеге асыруға;

г) өндірісті басқару кезінде алған ақпаратты талдау мен еңбек жағдайларын бақылауды жүзеге асыруға;

д) алынған ақпаратты талдаудың нәтижесінде анықталған қауіпсіз еңбек жағдайлары талаптарынан ауытқушылықтарды жою жөніндегі тиісті іс-шараларды әзірлеуге және тиісті шешімдер қабылдауға;

е) анықталған талап етілетін қауіпсіз еңбек жағдайлары талаптарынан ауытқуларды жою жөніндегі іс-шараларды іске асыруға, сондай-ақ бұрын қабылданған жоспарларды түзетуді жүзеге асыруға, персоналды даярлауды жақсартуға және олардың деңгейін көтеруге, басқа, неғұрлым білікті жеткізушілер мен мердігерлерді таңдауға мүмкіндік береді.