Басқару жүйесі құжаттарының мазмұнын өндірістік процестердегі өзгерістер мен енгізілген жаңалықтарға сәйкес келтіру

3.17.1 Ішкі өзгерістер (жұмысқа қабылдау, жаңа технологиялық және еңбек процестерін немесе ұйымдастырушылық құрылымдарды енгізу сияқты) мен сыртқы өзгерістер (заңдар мен өзге де нормативтік құқықтық актілерді жетілдіру, компаниялардың қосылуы, еңбекті қорғау жөніндегі білім мен технологияны дамыту) еңбекті қорғауды қамтамасыз етуге ықпал етеді. Бұл өзгерістер бағалануға тиіс. Бағалау нәтижелері бойынша оларды есепке алу мен өзгерістерді қолданысқа енгізгенге дейін іске асыру жөніндегі тиісті алдын алу шаралары әзірленеді.

3.17.2 . Кез келген өзгерістердің немесе жаңа еңбек ету тәсілдерін, материалдарды, процестерді не жабдықтарды қолданар алдында жұмыс орындарындағы қауіп-қатерлер мен тәуекелдерді бағалаған жөн. Мұндай бағалауды қызметкерлердің, еңбекті қорғау жөніндегі қоғамдық инспекторлар мен еңбекті қорғау комитетінің (комиссиясының) қатысуымен жүргізген жөн.

3.17.3 «Өзгерістер туралы шешімдерді» қолдануға дайындау кезінде өзгерістер туралы сапалы әрі уақтылы ақпарат беруді және осы шешімге қатысы бар қызметкерлерді даярлауды міндетті түрде қамтамасыз еткен жөн.