Сабақ тақырыбы: Асханадағы ас мәзірі. Еліктеу сөздер

2. Ынтымақтастықта жұмыс жасайды, өз ойын айтады және қорғай біледі, ізденімпаздық қасиеттері дамиды.

3. Топтық жұмыс үрдісіне байланысты: бір-бірімен пікірлесе отырып, ортақ қорытынды шығаруға дағдыланады.

Сабақтың типі: жаңа білім беру сабағы

Әдіс-тәсілдер: «Кім жылдам?», «Адасқан сөздер» ойыны.

Сабаққа қажетті құралдар: интерактивті тақта, маркер, А1 форматты қағаз.

Көрнекіліктер: слайдты көрсетілімдер, қима қағаздар.

Пәнаралық байланыс: орыс тілі, биология.

Күтілетін нәтиже: Тапсырмалар мен жаттығуларды дұрыс орындайды, тақырыпқа байланысты сөздермен сөйлемдер құрайды, еліктеу сөздерді біліп шығады, ізденімпаздық қасиеттері дамып, алған білімді күнделікті қарым-қатынаста қолданады.
Сабақтың барысы:

І Ұйымдастыру кезеңі.

а) сәлемдесу;

Оқушылар шеңбер құрайды. Оқушылар бір-біріне тілектер тілейді.

б) оқушыларды топқа бөлу. «Асхана» және «Ас мәзірі» сөздерін «Мозайка» әдісімен жинап, топқа бөлінеді
ІІ Үй тапсырмасын тексеру.

Қазақ халқының қонақжайлылығына байланысты жиі қолданылатын сөз оралымдарын жазып келу. (Төрге шығыңыз, шай ішіңіз, төрлетіңіз, жоғарылатыңыз, қош келдіңіз, астан алып отырыңыз.)

«Кім жылдам?» ойыны. Топтарға сұрақтар беріледі. Ұсынылған әріптерден басталатын сөздермен жауап береді. Қ, м, е. Ш, қ, б.

1. 
   Қазақтың қандай халық? (қонақжай)
   
2. 
   Қазақтың ұлттық тағамдарын ата. (қуырдақ, қазы, мәнті)
   
3. 
   Үстеудің түрлері. (мезгіл, мекен)
   

2. Қазақтың ұлттық сусындары. (шұбат, қымыз)

3. Мезгіл үстеуіне мысал келтіріңіз. (биыл, бүгін, қазір)


ІҮ Жаңа сабаққа кірігу.

1. Ой шақыру.

-Балалар, топтарыңның аты қандай, қандай сөздер құрадыңыздар?

-Асхана

-Дұрыс. Демек, біздің сабағымыз не туралы болмақ?

- Асханадағы ас мәзірі туралы.

2. Лексикалық минимум.

• 
  Кіреберіс – вход
  
• 
  Ас мәзірі – меню
  
• 
  Сұйық – жидкое
  
• 
  Біріншіге – на первое
  
• 
  Еш нәрсе – ничего
  
• 
  Сорпа – бульон, суп
  
• 
  Палау – плов
  
• 
  Тұшпара – пельмени
  
• 
  Дүнген кеспесі – дунганская лапша
  
• 
  Сүт қатқан шай – чай с молоком
  
• 
  Даяшы – официант
  
• 
  Әркім өзіне-өзі қызмет етеді – самообслуживание
  

• 
  1-топ. Жаңа сөздермен сөз тіркестерін құрастыру.
  
• 
  2-топ. Жаңа сөздерді пайдаланып, сөйлем құрастыру.
  

1. 
   Лексикалық тақырыпты меңгерту. Мәтінмен жұмыс
   

Асханадағы ас мәзірі

Біз мектепте үзілісте асханаға барып тамақ ішеміз. Біздің асханамыз бірінші қабатта. Асхана кең, тап-таза, жарық, әдемі гүлдер өсірілген. Асхананың кіреберісінде ас мәзірі ілулі тұрады. Ас мәзірінде қою тағамдар, сұйық тағамдар, салат түрлері, тәттілер жазылып қойылған.

Бүгінгі ас мәзірінде қандай тағамдар бар екен? Түскі асқа біріншіге сорпа, кеспе көже, борщ бар екен. Екіншіге: палау, қуырдақ, қуырылған картоп, дүнген кеспесі, мәнті, тұшпара. Әрине, қалауың бойынша сүт қатқан шай, кофе, сусындар алуға болады.

Біз не аламыз? Мен біріншіге еш нәрсе алмаймын. Екіншіге мәнті аламын. Ол өте дәмді. Сосын сүт қатқан бір кесе шай алайын, өйткені мен шайды жақсы көремін. Достарым да өздеріне ұнайтын тағамдарын алады. Біздің асханамызда даяшы жоқ, біз өзіміз кезекке тұрып, керек тағамдарымызды аламыз. Тамақтанып болған соң, өзіміз жинап кетеміз. Әркім өзіне-өзі қызмет етеді.
Ә) Оқылым. Мәтінді тізбектеп оқып шығыңыз.

Б) Мәтінді орыс тіліне аударыңыз.

В) Тілдесім. Жұптық жұмыс. Мәтін бойынша сұрақтар дайындаңыз.

2. 
   Грамматикалық тақырыпты меңгерту.
   

1. 
   Ас, тамақ, тағам, дәм, сарт.
   
2. 
   Дайындау, әзірлеу, жарқ-жұрқ, даярлау.
   
3. 
   Дәмдес, дастарқандас, жалт-жұлт.
   
4. 
   Дәмді, тәтті, тарс-тұрс.
   

(Слова, которые передают различные звуки живой и неживой природы: человека, животных и предметов.)

Г) Жазылым. 2-тапсырма. Сөйлемдерді толықтырып жазыңыз.

1) Біз мектепте үзілісте ... барып тамақ ішеміз.

2) Асхананың кіреберісінде ... ілулі тұрады.

3) Мен ...... еш нәрсе аламаймын.

4) Әркім өзіне-өзі ...

Қажетті сөздер: асханаға, ас мәзірі, біріншіге, қызмет етеді.
Д) Постермен жұмыс. Топтық жұмыс.

1. Тамақты жер алдында нені ұмытпау керек?

2. Бүгін мектеп асханасының ас мәзірі қандай?

3. Асхана қабырғасында ілініп тұруы тиіс сөздер.

Үлгі:

• 
  Сәлеметсіз бе, аспаз!
  
• 
  Сәлеметсің бе, балақай!
  
• 
  Екінші тағамнан не бар?
  
• 
  Мәнті, палау бар.
  
• 
  - Маған палау мен шай беріңізші!
  
• 
  Міне, ала ғой.
  
• 
  Рақмет!
  
• 
  Ас болсын!
  

3. 
   Алтын сандық ашыл!
   

Дүниеде тас қатты, тасты еріткен ас тәтті.

4. 
   Білгенге – маржан.
   

• 
  Ас, тағамға байланысты 5 мақал-мәтел жазып келу.
  

• 
  Ережелерді қайталау.
  

Фишкалар арқылы бағалау.

Мадақтау.
Х Кері байланыс. Стикерлерге дастарқан батасын жазғызу.

Дастарқаның мол болсын! Көбейе берсін мал басың!

Қазан-ошағың май болсын! Өсе берсін жан басың!

Төрт түлігің сай болсын! Үйіңе құт қонып,

Бала-шағаң бай болсын! Бақ-береке орнасын!

Отбасыңыз мерекелі болсын! Еш жамандық болмасын!

Дастарқаныңыз берекелі болсын!

№39 Темірбек Қожакеев атындағы орта мектеп-гимназиясы

Қазақ тілі
Асханадағы ас мәзірі.

Еліктеу сөздер
9 «Д» сынып

Пән мұғалімі: Әбдікерім Д.Ә.