Сабақ Тақырыбы: «Әбу Насыр әл-Фараби. Отырарлық ғалым»

Тақырыбы:

«Әбу Насыр әл-Фараби.Отырарлық ғалым»

10 сынып

Өткізген:

мемлекеттік тіл пәні мұғалімі: Дәрішева К.С.

Кұлсары қаласы



Сабақтың тақырыбы: Әбу Насыр әл-Фараби.Отырарлық ғалым

Сабақтың мақсаты: 1.Білімділік: Қазақстанның белгілі ғалымдары туралы тусінік беру.

Ғалымның еңбектері жайлы

жан-жақты мағлұмат бере отырып,

шығармашылығымен таныстыру.

2.Тәрбиелік: Өз ойын батыл айта

білуге, Отанды сүюге,

ұлтжандылыққа, адамгершілікке

тәрбиелеу.

Дамытушылық: Оқушыны дұрыс

сөйлеуге, сауатты жазуға

дағдыландыру. Шығармашылық

ой-өрістерін жетілдіруге ықпал жасау.

Сабақтың түрі: дәстүрлі сабақ.

Оқыту әдісі: көркем мәтінмен жұмыс, сұрақ-жауап.

Пәнаралық байланыс: тарих, музыка,орыс тілі.

Көрнекілік: Ғалымның суреті, еңбектер жиынтығы.

Сабақтың барысы:

1. 
   Ұйымдастыру.
   
2. 
   Үй тапсырмасын сұрау.
   
3. 
   Жаңа сабақ.
   

Данышпан Әбу Насыр әл-Фараби Отырар шаһарында 870 жыл шамасында туған.950 жылы Шам (Дамаск) шаһарында ұлы ұстаз дүние салды. Бұ л мәлімет ерте заманғы арабша жазылған шажіре кітаптарында берілген.

Отырар шаһары – Арыс өзенінің Сырдария өзеніне құяр аралығына орналасқан. Отырар сол кездегі үлкен шаһарлардың бірі болды. Бұл жерде көптеген төбелер жатыр. Сол төбелердің барлығы да бір кездегі Отырар қаласының орны...

...Арабтар Отырар қаласын Фараб деп атаған. Әбу Насырдың Фараби (әл-Фараби) болып аталып кетуі осыған байланысты. Ол – Отырар немесе отырарлық деген мағынада.

Болашақ ұлы данышпанның туған қаласы – Отырар сол кездегі дуниежүзіндегі ең ірі қалалардың бірі болған...

2. Сөз тіркестерін мәтіннен тауып оқып, аудару.

Дүние салды, шежіре кітаптары, қаласының орны, бірі болды,ұлы ұстаз.

3. Берілген сөздерді қатыстырып сөйлем құрау.

Данышпан,шаһар, ұстаз, шежіре, өзені ,төбелер, дүниежузі.

4. Сұрақтарға мәтін бойынша жауап беру.

1. 
   Әбу Насыр әл-Фараби кай жылы, кай жерде дүниеге келген?
   
2. 
   Отырар қаласы қайда орналасқан?
   
3. 
   Арабтар Отырар қаласын қалай атаған?
   

Данышпан, шаһар, ұстаздық, қаласының, отырарлық, орталығында, шежіре, кітаптарында.

6. Мәтіннен буын үндестігіне жататын сөздерді теріп жазып, фонетикалық талдау жасау.

7. Мәтіннен дыбыс үндестігіне жататын сөздерді теріп жазып, фонетикалық талдау жасау.

8. Сөлемдерді көшіріп жазып, сөйлем мүшелеріне талдау.

Әл-Фараби – ұлы ғалым. Ол – ұлы ойшыл, философ, социолог, математик, физик, ботаник, лингвист, логик, музыка зерттеушісі. Әл-Фараби есімі дүниежүзі мәдениеті мен ғылымының тарихынан берік орын алады. Оны Шығыстың Аристотелі деп атаған.

4. 
   Сабақты қорытындылау.
   

5. 
   Бекіту сұрақтары:
   

1. 
   Әбу Насыр әл-Фараби кім?Ол қай қалада туған?
   
2. 
   Фараби қанша кітап жазған?
   

6. 
   Үйге тапсырма беру : 9-тапсырма.
   
7. 
   Бағалау.