Пәні: физика Күні: 02.12.2015ж Сынып: 7 Ә
|
Сабақ тақырыбы
|
Қозғалыс тарауын қорытындылау.
|
Мақсаты
|
Қозғалыс тарауы бойынша алған білімдерін қорытындылау.
|
Негізгі мақсат
|
Жол және орын ауыстыруды, бірқалыпты және бірқалыпты емес қозғалыстарды, жылдамдық және жылдамдық бірліктері туралы білу.
|
Күтілетін нәтиже
|
Жол және орын ауыстыру, бірқалыпты және бірқалыпты емес қозғалыстарды, жылдамдық және жылдамдық бірліктері туралы түсінік қалыптасады, біледі.
|
Оқыту формасы
|
Топпен жұмыс, диалог әдісі, маршрут картасы әдісін қолдану, АКТ
|
Ресурс
|
Электронды оқулық, слайдтар, машиналар, интернеттен алынған материалдар
|
Сілтеме:
|
7 сыныпқа арналған электронды оқулық.
|
М Ұ Ғ А Л І М Ж А З Б А С Ы
|
Мұғалім әрекеті
|
Уақыт (мин)
|
Оқушы әрекеті
|
Ұйымдастыру
(сәлемдесу, топтастыру, сабақ тақырыбына көшу): Оқушылармен амандасу, түгендеу.
Ойға толсын санамыз,
Бестік болсын бағамыз,
Баласындай бір үйдің,
Тату болсын арамыз. (оқушылар құшақтасып бір бірімізбен амандасамыз). Ал балалар "Жолға шығамыз, із қалдырып траектория сызамыз, орын ауыстырамыз, уақыт үнемдейміз!» (слайдпен көрсетіледі) Оқушыларды машиналардың суреттерін жинау арқылы топқа бөлу. (4 топ 6 оқушыдан) Оқушыларға бағалау парағын беру. Бағалауды нақтылау үшін сабағыма осы ГМО жетекшісін, бөлім басшыларын және басқа да мұғалімдерді шақырып, сабаққа қатысты парақшалар таратамын.
|
5 мин
|
Мұғаліммен амандасады, «Жолға шығамыз, із қалдырып траектория сызамыз, орын ауыстырамыз, уақыт үнемдейміз!» тұжырымдамасы қалыптасады, сабаққа зейінін бөлінеді, үйге берілген тапсырмаға шолу жасап кетеді, топқа бөлінеді және топ мүшелеріне қызметтері бөлініп беріледі (басшы, хатшы, уақыт белгішеуші, хабарлаушы) оқушылар қызығушылықтарын көрсетеді. Бағалау парақтарына бірін-бір бағалайды (топтық бағалау).
|
Тапсырмалар
(тарауды қайталау):
Топ мүшелеріне міндеттерін бөлініп беріледі. 4 топқа бір сұрақтан, ол сұрақтарға жауап беру керек:
1. «Миға шабуыл» стратегиясы. Сұрақ – жауап.
1 топқа. Оқушы таксиге мініп мектепке келді. Таксиге 250 тенге төледі. Таксиге не үшін төледі? Жол үшін бе, әлде орын ауыстыру үшін бе?
2 топқа. Автомобиль Көкшетаудан Зерендіге дейінгі аралықты 2,5 сағатта жүріп өтті, берілген шаманы секундпен өрнектеңдер.
3 топқа. Жүргізуші автомобиль есептеуішінің көрсеткіші 500 км-ге артқанын көрді. Бұл нені білдіреді: автомобильдің жүрген
жолы ма, әлде орын ауыстыру ма ?
4 топқа. Футболшы ойын кезінде 12 км жүгірді. Осы қашықтық орын ауыстыру ұзындығы ма, әлде жүрілген жол ма?
|
3 мин
|
Топқа бөлінеді де, әр топқа бір сұрақтан беріледі. Өздерінің жинақтаған материалдарын пайдаланып берілген сұрақтарға жауап береді.
|
Қозғалыс таруындығы негізгі ұғымдар:
Жол және орын ауыстыру.
Бірқалыптықозғалыс
Бірқалыптыемесқозғалыс
Қозғалысжылдамдығы жылдамдық бірліктері.
1 топ: Жол және орын ауыстыру
Қандайда бір уақыт аралығында дене жүріп өткен траекторияның ұзындығы осы уақыт ішінде жүрілген жол деп аталады. Жолды sәріпімен белгілейді. Халықаралық бірліктер жүйесінде жолдың өлшем бірлігі м болып келісілген.
Дененің орын ауыстыруы деп дененің бастапқы орның оның келесі орнымен қосатын бағытталған кесіндіні яғни векторды айтады. Орын ауыстыру векторлық шама болғандықтан, оны нұсқама қойып s әріпімен белгілейді.
2 топ: Бірқалыпты қозғалыс
Дене кез келген тең уақыт аралықтарында ұзындығы бірдей жол жүрсе, ондай қозғалыс бірқалыпты қозғалыс деп аталады.
3 топ:Бірқалыпты емес қозғалыс
Дене тең уақыт аралығында әр түрлі жол жүріп өтсе, ондай қозғалысты бірқалыпты емес қозғалыс деп атайды.
4 топ:Қозғалыс жылдамдығы дегеніміз не? Бірқалыпты қозғалатын дененің жылдамдығын анықтау.
Бірқалыпты қозғалатын дененің жылдамдығын анықтау үшін оның берілген уақыт ішіндегі орын ауыстыруын сол уақыт аралығына бөлу керек: Өлшем бірліктерін көрсету.
Дененің бірқалыпты қозғалысының жылдамдығы белгілі болса, сол арқылы дененің белгілі бір уақыт ішінде жүрген жолын анықтауға болады:
Дененің бірқалыпты қозғалысының жылдамдығы мен жүрген жолы белгілі болса,сол қозғалысқа кеткен уақытты табуға болады:
|
10мин
3 мин талқылау
7 мин түсіндіру
|
Өздерінің жинақтаған материалдарын пайдаланып, сол материл бойынша ассоциация әдісімен түсінгендерін айтып береді. Топпен жұмыс жасап, негізгі білімдерін толықтырып, жұмыстарын қорғайды.
Тақырыпты бөлініп берілген бөлімдері бойынша оқиды, бірінші топтан бастап әр оқушы жаңа тақырыпты түсіндіреді.(бір-бірін тыңдауға үйренеді) сабаққа және тақырыпқа қатысты бір-бірінің айтқандарына ұқсатпай, қайталамай бір сөзден немесе сөйлем айтып шығады, сонда оқушыцлардың қызығушылықтары, белсенділігі артады. Осы арқылы топпен жұмыстың тиімділігін түсінеді.
|
Сергіту сәті: Барлығымыз орнымыздан тұрамыз. Кеңістікте оң қолымызды көтеріп сегіз санын саламыз, ал енді сол қолымызы көтеріп сегіз санын саламыз. Жақсы екі қолымызды көтеріп сегіз саның салуды қайталаймыз. Жарайсындар ал енді қолдарымызды белге қойып басымызбен сегіз саның саламыз.
|
3 мин
|
Барлықтары бірге жаттығу жасап, серігіп қалады, көңілдері көтеріледі.
|
Қызықты есептер.
Қараторғайдың, шыбынның, түйеқұстың, жаяу адамның жылдамдығын табындар және олардың 10 с ішінде жүрген жолын анықтандар.
1 топ:қараторғайдың жылдамдығын.
2 топ: шыбынның жылдамдығын;
3 топ: жаяу адамның жылдамдығын;
4 топ: түйеқұстың жылдамдығын;
қосымшадағы 3 кестеден аламыз. (230-бет оқулық.) 
Деңгейлік есептер шығару.
1 топ:
1. Дельфин жылдамдығын 18км/сағ -қа дейін жеткізе алады. Осы жылдамдықты м/с -пен өрнектендер.
2. Трактор 480 м жолды 240с ішінде жүріп өтті трактордың жылдамдығын анықтандар.
3. Трамвай бірінші 100 м-ді 25 с ішінде жүріп өтті. Ал келесі 500 м –ді 125 с –та жүрді. Трамвайдың барлық жолдағы орташа жылдамдығын анықтандар.
2 топ:
1.Қоян жылдамдығын 7,2км/сағ -қа дейін жеткізе алады. Осы жылдамдықты м/с -пен өрнектендер.
2. Велосипедші бірқалыпты қозғалып,
30 мин ішінде 9 км жол жүрген. Велосипедшінің жылдамдығын м/с – пен есептеп табыңдар.
3. Автобус бірінші 150 м-ді 30 с ішінде жүріп өтті. Ал келесі 450 м –ді 120 с –та жүрді. Автобустың барлық жолдағы орташа жылдамдығын анықтандар.
3-топ
1.Ұшақ жылдамдығын 90 км/сағ -қа дейін жеткізе алады. Осы жылдамдықты м/с -пен өрнектендер.
2.Қараторғай 240 м жолды 12 с ішінде жүріп өтті қараторғайдың жылдамдығын анықтандар.
3.Трамвай бірінші 100 м-ді 25 с ішінде жүріп өтті. Ал келесі 500 м –ді 125 с –та жүрді. Трамвайдың барлық жолдағы орташа жылдамдығын анықтандар.
4 топ:
1.Қараторғай жылдамдығын 72км/сағ -қа дейін жеткізе алады. Осы жылдамдықты м/с -пен өрнектендер.
2.Ақтау мен Жаңаөзеннің арақашықтығы
36 км . Жаңаөзеннен шыққан жеңіл машина Ақтауға дейін 1 сағат жол жүрді. Жеңіл машинаның жылдамдығын анықтау керек.
3.Трактор бірінші 10 минутта 1,2 км жол жүрді. Ол 0,5 сағат ішінде сондай жылдамдықпен қанша жол жүріп өтеді?
|
12 мин
|
Берілген тапсырмаларды ынтамен жылдам орындап шығады, көрнекі көрсетеді.
|
Қорытындылау. тарау бойынша сабақты қорытындылап, сұрақтарға жауаптар береді.
|
5мин
|
Оқушылар топқа қосылып жинақталады, қорытындыларын айтады. Әр топ не түйгендері туралы негізгі мәліметтерді, ақылдаса отырып, қорытындылайды
|
Бағалау.
Өзара топпен бағалау
|
5 мин
|
Өзара бағалайды, өздерінің жұмыстарымен салыстырады. Бүгінгі сабақтан алған әсірлерін смайликтер арқылы көрсетіп кетеді.
|
Үй тапсырмасы:
§11-22 қайталау.
Қосымша тапсырма:
«Қозғалыс түрлері» туралы интернеттен
мәліметтер жинау.
« Кім жылдам?» қосымша тапсырма:
|
2 мин
|
«Қозғалыс түрлері» туралы қызықты мағлұматтарды жинақтайды, интернеттен ізденеді.
|
