Барысы: I.Ұйымдастыру кезеңі Сабаққа дайындық.
II.Мақсат қою кезеңі. Сабақтың тақырыбымен, мақсатымен таныстыру.
III.Жаңа материалды түсіндіру кезеңі. а) мұғалімнің түсіндірмесі.
Электр тогымен жұмыс істеу құралдары әр түрлі. Олардың бірімен сымды қиып, түзетсе, енді бірімен бұрап, иеді.
1.Сызғышпен сымның ұзындығын өлшейді.
2.Кеңсе пышағы. Қапталған сымды кесіп, тазалау үшін қажет. Мұндай пышақ ашып-жабуға ыңғайлы. Жұмыс кезінде пышақтың жүзін ашып, жұмыс біткен соң сабына қарай жауып қояды.
3.Тістеуік. Сымды түзетуге, июге арналған құрал. Мұндай тістеуіктер болаттан жасалады.
4.Үшкір тұмсықты тістеуік. Бұл құралмен сымды дөңгелектеп иіп, шеңбер, өрнек жасауға болады.
5.Тістеуік. Бұл құралды диаметрі 3 мм-ге дейін жететін болат, мыс және алюминий сымдарды қиғанда қолданады.
6.Тістеуік (әмбебап).Сымды түзетеді, иеді, қияды, бұрайды (тісімен, екі жақ иығындағы ойықшамен)
7.Бұрауыш. Бұрандалар мен бұрама шегелерді бұрап бекітетін және шығаратын құрал.
8.Оқшаулағыш таспа. Бір-біріне жалғанған сымды орайды. Сергіту сәті
IV.Жаңа материалды меңгергенін тексеру кезеңі. 1.Оқулықпен жұмыс.Іштей, тізбектей оқыту.
2.Сұрақ-жауап
а) Токпен жұмыс істеу құралдарын ата. Олардың атқаратын қызметтері қандай?
V.Бекіту кезеңі.Қорытындылау.Бүгінгі сабақтан не ұқтық? Мына ережені есте сақтаңдар. Құрал-жабдықтарды ұқыпты ұстап, арнаулы қораптарда сақта. Пышақтың жүзін өзіңнен ілгері қарата ұста. Жұмыс орнында құралдардың сабын өзіңе қаратып қой. Құралды екінші кісіге ұсынғанда оның сап жағымен бер. Бұрандалы тетікті бұрауышпен бұрау кезінде ол тетіктен тайып кетпейтіндей етіп түзу ұста.
VI.Бағалау.Оқушылардың еңбегін салыстыра отырып, бағалау.
Тақырыбы: Тақтайшадан ыдыс қойғыш жасау. Мақсаты: Ағаш материалынан әр түрлі ыдыс қойғыш жасау. Ой-өрісін дамыту.Адамгершілікке тәрбиелеу.
Сабақтың типі: аралас сабақ
Әдісі:сұрақ-жауап,түсіндіру
Көрнекілігі:ағаштан жасалған ыдыс қойғыштар.
