Сабақтың барысы: Қуаныш шеңбері. «Сиқыршы мен балалар» Психогимнастика. Әңгіме құрастыру «Табиғатты аяла»

Досмаханбетова Ботагөз Ақылбекқызы,

«Балдырған» балабақшасының педагог-психологі.

Меркі ауданы

Өзіндік бағасын көтеріп, сенімділігін дамыту.

Өзара қамқорлыққа,  сүйіспеншілікке тәрбиелеу.

Түрі:   Ойын сабақ.

Көрнекіліктер: ақ қағаз, түрлі-түсті қағаздар, желім және суреттер.

Сабақтың барысы: 1. Қуаныш шеңбері.

2. «Сиқыршы мен балалар»

3. Психогимнастика.

4. Әңгіме құрастыру «Табиғатты аяла»

-сәлемдесу;

-сабаққа көңілдерін аудару.
1 –жаттығу. Қуаныш шеңбері.

Балалар шеңбер бойымен отырады. Әрбірі кезегімен сүйікті ойыншықтарын айтады. Көршісінің қолын қысып, үнсіз қол жылуын жібереді. Бір-бірінің көзіне қарап, күлімсірейді.

Жаңбыр бірнеше күн толастамай жауды. Сиқыршының үйден шығайын десе қолшатыры жоқ еді. Жаңбырдың тоқтауын әбден күтті, бірақ, жаңбыр тоқтамай жауа берді, жауа берді. Қатты ашуланған сиқыршы бар әлемді тоқтатып тастады.

Жаттығудың жүргізілуі. Психолог айтады: «Көз алдарыңа елестетіңдер, біз кемеде келе жатырмыз. Ауа-райы тынық, күн шығып тұр» деген сөздерін айтқанда, бірқалыпты ауа-райын бейнелейсіңдер. «Боран» дегенде шу басталып, кеме қатты теңселеді. Кемеде келе жатқан бала «Мен бораннан қорықпаймын, мен ең күштімін» деп айқайлауы тиіс.

Балалар жоғарғы өздері жасаған суретке қарап, бір-бір сөзден айтып шығулары керек . Өз сөзін айтпастан бұрын алдыңғы сөздерді қайталап шығу арқылы сөйлем құрау қажет. Соңында «Табиғатты аяла» атты шағын әңгіме шығады.

1. 
   Сабақ сендерге ұнады ма?
   
2. 
   Жасаған суреттерің ұнады ма?
   
3. 
   Көңіл-күйлерің қалай?
   
4. 
   Әлемді қалай босаттыңдар?
   
5. 
   Әңгіме құрастыру қиын болған жоқ па?