ІІІ. Жаңа білімді меңгертуге дайындық

1. Сөзжұмбақ шешу.

1. 
   Құнанбаев
   
2. 
   Жабаев
   
3. 
   Жұмабаев
   
4. 
   Әуезов
   
5. 
   Уәлиханов
   
6. 
   Аманжолов
   
7. 
   Алтынсарин
   
8. 
   Сейфуллин
   
9. 
   Тұрманжанов
   
10. 
    Байтұрсынов
    
11. 
    Өтетілеуов
    
12. 
    Құдайбердиев
    

2. Бүгінгі өтілетін тақырып «Алғашқы көмек» деп аталады. Әңгіменің авторы балалар жазушысы Бәдел Тұрсынбаев 1929-1933 жылдардағы ашаршылық жылдары кезіндегі оқиғаны әңгімелейді. Осы жылдардағы қазақ халқының күн-көрісі туралы Самырат Кәкішевтің «Ахаң туралы ақиқат» атты кітабынан үзінді оқып берейін :

Киімдеріміз де әбден тозды, әсіресе көйлектеріміз жыртылып, түріміз қап-қара болған, биттер үстімізде өріп жүр. Бұған қарсы істер шарамыз да, амалымыз да жоқ. Іздегеніміз асқазанға талшық болар бірдеңе ...

Аштыққа ұшырағандардың біразы Жыланшық өзенінің жағасында өскен ну қамыс пен қоғаның тамырларын жұлып, тамақ қыламыз деп, сол өзенге жете алмай, суға кетіп, өзеннің қырынан шыға алмай, тырнақтарымен жер тырнап, бұралып жатқан сұмдық көріністерді өз көзімізбен көрдік.

Бұрын өзеннің ішінде көлбақа, жылан жүзіп жүретін, сол ашаршылық жылдары суда көлбақа да, жылан да қалған жоқ ...

1931-1933 жылдары Қазақстан бойынша ашаршылықтан өлген кісілердің саны , шамамен, 1 миллион 700 мың, оның ішінде 1 миллион 500 мыңдайы қазақтар.

1. 
   Мәтінді мәнерлеп оқып беру
   
2. 
   Сөздік жұмысын жүргізу:
   

• 
  Қансонар – жердің бетін тегіс қар жауғанда аңға шығу ( Қансонарда бүркітші шығады аңға, Тастан түлкі табылар аңдығанға ... деген Абай атамыздың өлеңі бар)
  
• 
  Білте – май шамның жанып тұратын жібі
  
• 
  Тілеу тілегелі – бір нәрсе сұрағандай
  
• 
  Сонаршылар – аңға шыққан адамдар
  
• 
  Жүні жидіп кетеді – босап кетеді.
  

3. 
   Слайд көрсету ( қыс көрінісі , қансонар )
   
4. 
   Тапсырма : мәтін үзінділерін оқушыларға бөліп беру, оқытып, мағынасын айту, түсіндіру.
   
   1. 
      Кір шүберектен жасаған үзік білте мен құман сынығынан жасаған шам лып-лып етіп жалпылдап өше жаздап тұр. Әкеме көрсеткен бар көмегім – сол шамды өшірмей, тостағандағы кішкене тоң майдан аздап еселеп салып, жағып отырамын.
      
   2. 
      «Әттең, үстімде киімім болса, бірге барсам қандай жақсы болар еді. Ақтөстің түлкі ұстағанын, Темірғалидың қақпан құрғанын көрер едім» деп ойладым.
      
   3. 
      Аузын төрге қаратып тастан салған пештің ішіне отынды тыға түсіп, соның жарығымен шай ішіп отырмыз. Ол кезде шай дейтін шай да жоқ. Талдың кептірген бүршігі, жасыл шөптің қураған жапырағы сықылдыларға шай деп ат қойып ішетін едік.
      
   4. 
      Қара қазан да аузын аңырайта ашып, тілеу тілегелі талай заман болды. Шешей суды бірнешелеп құйса да, тағы орта түсіп барады.
      
   5. 
      Кішігірім лақтай Алтайдың ақ қояны қандай үлкен болса да, сорпа суымен бір тойғызады. Семізіне кездессең, ішінен бауырсақ пісіретін бір кесе май түседі.
      
   6. 
      Әкем көп кешікпей үш бірдей ақ қоянды әкеп босағаға тастай бергенде, Алтайдың бар байлығы біздің үйге келіп орнағандай қуандық.
      
5. 
   Мәтінді берілген сұрақтар бойынша талдау :
   
   1. 
      Жазушы қай кезін еске алады ?
      
   2. 
      Оның әкесінің аңға шығуына кімнің сөзі жел бергендей болды ?
      
   3. 
      Қансонар дегенді қалай түсінесің ?
      
   4. 
      Әкесі мен баласы аңға шығуға қалай дайындалды ?
      
   5. 
      Баланың шешесі не деп ренжіп сөйледі ?
      
   6. 
      Бала неліктен әкесімен бірге аң аулауға бара алмай қалды ?
      
   7. 
      Әкелері аң аулаудан оралғанда үй іші неге қатты қуанды ?
      
   8. 
      Бала өзі айтқандай «еңбектің ең алғашқы қасиетін» қалайша сезінді ?
      
   9. 
      Қазақстанда қандай аңдарды аулауға тыйым салынған ?
      
   10. 
       Әңгімеде ел басынан өткен қандай кезең суреттелген ?
       

1. 
   Қансонарға дайындық.
   
2. 
   Әкемнің аңға аттануы.
   
3. 
   Аңшыларды күту.
   
4. 
   Алтайдың байлығы немесе біздің қуанышымыз.
   
5. 
   Кішкене көмекші
   

2. Мәтіндегі көріністер бойынша суреттер салып келу.

Үй тапсырмасы «Балуан» Жаңа сабақ «Алғашқы көмек»