Сабақтың мақсаты: білімділігі: Оқушыларға ұлттық киімдер туралы түсінік беру

білімділігі: Оқушыларға ұлттық киімдер туралы түсінік беру.

дамытушылығы: Ізденімпаздыққа, шығармашылық қабілетін дамытып сабаққа қызығушылығын және ойлау қабілетін арттыру.

тәрбиелігі: Үнемділікке, ұқыптылыққа, талғампаздыққа, халықтың ұлттық киімдерін қастерлей білуге тәрбиелеу.

1. Қиғаш өрімде таспалар қалай орналасады?

2. Мұндай өріммен қандай бұйым жасауға болады?

3. Жіп неден еседі?

Өткен сабағымызды халқымыздың қолөнерінен өиғаштап өру арқылы жасалатын бұйымдармен таныс болдық, енді бүгінгі сабағымызда халқымыздың ұлттық киімдерімен танысатын боламыз.

Әр халықтың өз ырымдары, өз ерекшеліктері сонымен бірге өз ұлттық киімдері де болады. Қазақ халқының киімдері жас шамасына қарай ерекшеленген. Жастар киімі ою- өрнекті , қызыл –жасылды болса, үлкендер киімінде өрнектер болады.

Киім- кешек үшін негізінен малдың жүні мен терісі пайдаланылады. Сонымен бірге сән- салтанатқа арнап ерекше құнды материалдан тіктіретін болған. Қазақтың киім-кешектеріне: тақия, бөрік сәукеле, шапан, тон, камзол, бүрмелі көйлек, етік т.б жатады. Бұл киімдер түр- түрге бөлінеді.

Сырт киімдер: шапан, тон, тұлып, тымақ, етік, саптама етік.

Сулық киім: шекпен.

Бір киер: той думанда киетін қымбат материалдан сәнді етіп тігілген киімдер.

Ішкі киімдер: көйлек, қамзол, кәзекей.

Қазақ халқы бас киімді аса қадірлейтін болған. Бұл баскиімдер екіге бөлінеді: Ер адамдарға, әйел адамдарға арналған.

Сәукеле ең сәнді, күрделі баскиім. Сәукеле- қалыңдықтың бас киімі. Оны той өткенше киетін болған. Сәукеленің төбесін асыл тастармен, алтын, күміспен әшекейлейтін болған.

Тымақ пен бөрікті аң терісінен, сеңсеңнен жасап, барқыт пен атласпен тыстаған.

Енді балалар, түрлі- түсті қағаздан осы ұлттық киім үлгісін жасап көрейік.

Оқушылар жұмысын жасайды.

Балалар жасаған үлгісін көрсетіп, киімнің қай түрі екенін ажыратады.

Байлық атасы - еңбек , анасы - жер.

Рахаттың түбі- еңбек, түбі- жеңіс.

Жердің сәні – егін, ердің сәні – білім.

Еңбек ердің көркі, ер елдің көркі.

Өнерлі баланың он саусағы тең, өнерсіз баланың бір саусағы кем.

1) Қазақ халқының дәстүрлі киімдерін неше топқа бөлуге болады?

2) Ерлердің бас киімдерінің қандай түрлерін білесіңдер?

3) Сәукелені кімдер киген?

4) Сәукелені немен әшекейлеген?

VI. Үйге тапсырма. Түрлі түсті қағаздан киім үлгісін жасағандарыңды аяқтап, ермексаздан бөрік, сәукелені моншақ, фальгамен әшекейлеп келу.

VIІ.Бағалау.

№4 орта мектебі

Ұлттық киімдер

(ашық сабақ)

Өткізген: Оразалина А.