Сабақтың тақырыбы: «Қазақ халқының ерлік істері»

Партизан тау мен таста жатып бұққан, 

Жауларын кез-келгенде атып жыққан. 

Бір жанын құрбан етіп Отанына

Батырлар тайсалмаған жауған оқтан. 

Партизан Тоқтағам, Әди, Қасым. 

Тиіпті атқан оғы жауға басым ,

Еліне жеңіспенен аман келген, 

Батырлар ұзын болсын өмір жасың.

Өмірде нәрсе барма ұмытылмайтын, 

Шайнамай жеген асың жұтылмайтын.

Елімнің жан аямас батырлары

Алдынан қашқан жауы құтылмайтын. - 1-слайд (Партизан туралы – Қазақстан Ұлы Отан соғысы жылдарында.) 

Мұғалім сөзі:

Мың құбылып тұрсадағы бар маңы 

Адамзатты алға бастар ар заңы.

Мір оғындай Момышұлы Бауыржан

 Туа біткен туралықтың тарланы.

Әрбір сөзі жас ұрпаққа тағылым

Бойға жиған ақылы  мен  сабырын.

Жалғандықтың тіліп түскен тамырын

Жауынгерді айналдырып құрышқа

Тайсалмастан талай кірген ұрысқа.

Біздер үшін рухы биік Бауыржан

Жалғандық пен Ақиқаттың туындай.

Мың қылышты от қайраққа-жаныған

Туған жерді өз үйім деп таныған.

Жалындаған жастар керек еліме 

Батыр баба қасиеті дарыған. - 2-слайд (Қазақстандық батырлар: - Б.Момышұлының суреттері) 

Даламыздың даңқысың 

Балауса гүл-балғын қыз.

Жанын қиып халқы үшін,

Жанып түскен ақ жұлдыз.

Мәңгі жасап жерде енді,

Биік бол деп таулардан,

Сенің алтын бейнеңді

Жасап қойдық мәрмәрдан.

Бірге соқсын дүрсілдеп,

Туған жермен жүрегің.

Ауасында жүрсің сен-

Әнге қосып жүр елің. - 3-слайд (Әлия  Молдағұлованың суреттері, Ән: “Әлия”)

Мұғалім сөзі:

Қан майданның жүректе жарасы бар,

Қайғысы мен зілі бар, наласы бар.

Арамызда жүретін алшаң басып

Ардагерлер азайып барасыңдар. – 4-слайд (аты аңызға айналған жерлестеріміз)

Мұғалім сөзі:

Соғыс деген залалы ғой заманның,

Соғыс деген қайғысы ғой адамның.

Қара тұман құлы болған көк аспан,

Соғыс деген қарғысы ғой даламның.

Соғыс десе түршігеді жанымыз,

Дұшпан десе қайнайды ғой қанымыз.

Ал мен болсам адамзатқа тіледім

Шырқалсын деп бейбіт әніміз. – 5 слайд (жауды жеңудегі Қазақстандықтардың тылдағы ерліктері)

Мұғалім сөзі:

Елді қорғауға қанға сіңген қасиет

Бабалардан ұрпақтарға өсиет

Отан үшін қанын төккен ерлерге

Бүкіл халық құрмет жасап бас иеді.
Бейбіт күн мәңгі антымыз,

Достықта жасау салтымыз.

Қарумен емес ақылмен

Шешіпті жауды халқымыз. – 6 слайд (бейбіт күндегі ерлік пен батылдық)

-Тәуелсіздік бізге оңай келмеді. Кешегі бойына ерлікпен, жігер тұнған жауынгер, бүгінгі ел құрметіне бөленген ардагерлер. Ардагерлер Жеңіс күнін жақындатты. Бүгінгі бейбіт өмір соның дәлелі емес пе? – 7-слайд (қаза болғандарға арналған ескерткіштер мен мемориалдар)

Мәуелі бақтай жемісін шашып көп ұлтты. Қазақстанның бүгінде еңсесі биік, көңілі көтеріңкі, қадамы мығым! Қазақстан мәңгілік ел!