Сабақтың тақырыбы: "Бояулар сыр шертеді"

Сабақтың мақсаты:

а) Білімділігі: оқушылардың бейнелеу өнері жайындағы білімін толықтыру. Оқушыларды шапшаңдыққа үйрету, шығармашылықтарындамыту.

ә) Дамытушылығы: оқушының ой – қиялын дамыту, олардың икемділігін, сурет салу шеберлігін арттыру.

б) Әсемдікке, сұлулыққа тәрбиелеу, өнерге баулу.
Сабақтың түрі: сайыс сабақ

Сабақтың типі: білім, білік дағдысын қалыптастыру.

Сабақтың әдісі: топтық жұмыс, озін - өзі тексеру, сайыс.

Көрнекілігі: қалам, қағаз, сулы бояу, мақал – мәтел, жұмбақ, суретшілер шығармалары.

Пәнаралық байланыс: әдебиет, еңбекке баулу.

Сабақтың формасы: өзін - өзі тексеру, жұмбақтар, мақал – мәтелдер, иллюстрация.

Бақылау: өзара бақылау.
Сабақтың барысы:

1. 
   Ұйымдастыру кезеңі: оқушылардың сабаққа дайындығын тексеру.
   
2. 
   Сайыс сабақтың мақсатымен таныстыру.
   

−Бүгінгі сайыс сабақта бейнелеу өнері жайлы білімдерің тексеріледі, шапшаңдық, ой – қиялдарын, сурет салу шеберліктерің сыналады.

Сынып оқушылары екі топқа бөлінеді және әділқазыларды сайлайды.

I – топ “Акварель” II – топ “Гуашь”

Әр топ өз атына анықтама береді:

Акварель – седа жақсы еритін бояу

Гуашь – суға езілетін қою бояу.

3. 
   Сабақ бағдарламасымен таныстыру.
   

2. Бейнелеу өнерінен білімді тексеру.

3. Суретшілер шығармалары.

4. Жұмбақтар сайысы.

5. Түстер туралы мақал – мәтелдер.

6. Өлеңдерге иллюстрация жасау.

7. Достық әзіл сайысы.

8. Қорытынды.

1. 
   Үй тапсырмасы бойынша “Ғарышкер болу арманым” атты тақырыпқа арналған суретті көрсету, суретті сөйлету.
   

2. Бейнелеу өнері пәнінен өзін - өзі тексеру тапсырмалары. Бейнелеу өнері терминдер сөздігінің анықтамасын бағыттар арқылы сызып көрсету.

Гуашь тобы:

3.Интерактивті тақтада суретшілер шығармалары көрсетіледі.

Әр топқа екі суретші шығармасы беріледі. Шығарманың тақырыбы, суретшінің аты – жөнін табу тапсырылады.
4. Жұмбақтар сайысы.

I. Ақ сандығым ашылды

Ішінен жібек шашылды

(Күн)

Қара қойым жатып алды

(Қар мен жер)

Айдалада ақ шатыр

Ішінде қызыл көзді шал жатыр

(Аспан,күн батуы)

Қара суда суат жоқ

Қалың тауда бұтақ жоқ

(Көз бен кірпік)

II. Қос ішекке қонақтаған қаланы

Қара тұлпар алға сүйреп барады

(Поезд)

Қара бием сүтті

(Қазан,ошақ)

Қызыл сиырды байлап салдым

Көк сиырды айдап салдым

(От,түтін)

Үстіндегі көйлегі түрлі – түсті не демек

Қызықтырар көргенді мұның атын не демек

(Көбелек)

5. Мақал – мәтелдер сайысы.

Ақ серке қой бастайды,

Ақын жігіт той бастайды.

Ағарғанның қадірін қыс шыққанда білерсің.

Ақ адам орнын табады.

Қасапшыға мал қайғы

Қара ешкіге жан қайғы.

Қара шыбынның соры.

Қыздың көзі қызылда.

Көк дүркірейді.

Сары тонның қадірін қыс түскенде білерсің.

Сабырсыз қалар ұятқа.

6. Өлеңдерге, ертегілерге иллюстрация жасау.

Топтық жұмыс. Берілген өлеңге тез арада нобайлар салу.

Жаздыкүн шілде болғанда,

Көкорай шалғын, бәйшешек

Ұзарып өсіп толғанда;

Күркіреп жатқан өзенге

Көшіп ауыл қонғанда;

Шұрқырап жатқан жылқының

Шалғыннан жаны қылтылдап,

Ат айғырлар, биелер

Бүйірі шығып, ыңқылдап,

Суда тұрып шыбындап

Құйрығымен шылпылдап,

Арасында құлын-тай

Айнала шауып бұлтылдап

Жоғары-төмен үйрек, қаз

Ұшып тұрса сымпылдап.

(Абай Құнанбаев)

7. “Достық әзіл” сайысы. Яғни әзіл сурет салады, соңынан суретші түсіндіріп, ұтымды жауап береді.