Сабақтың тақырыбы: Мен баскетбол ойнаймын

Амандасу

• 
  Қазір қандай жыл мезгілі?
  
• 
  Қандай ай?
  

• 
  Дұрыс айтасыңдар қазір көктем мезгілі, терезеге қарандаршы күн жылынды, көктем мезгілі келді, мен сендерді көктемнің бірінші күнімен құттықтаймын! Бүгінгі сабақта жақсы баға алуларыңды тілеймін. Әрбіреуіңе осындай гүл сыйлаймын.
  
• 
  Бүгін қандай күн?
  
• 
  Аптаның қай күні?
  
• 
  Қазір қандай сабақ?
  
• 
  Бүгін дене тәрбиесі сабағы бар ма?
  
• 
  Дене тәрбиесі сабағында біз не істейміз?
  

• 
  Дене тәрбиесі сабағында қандай ойындар ойнауға болады? (баскетбол, валейбол т.б)
  
• 
  Менің қолымда не? (допты көрсету)
  
• 
  Бұл қандай доп? Осы доппен біз қандай ойын ойнамыз?
  

-Бүгінгі сабағымыздың тақырыбы:

Мен баскетбол ойнаймын.

-Біз сабақта не істейміз деп ойлайсыңдар?

Сабағымыздың мақсаты баскетбол ойыны жайлы қазақша диалог құрастыру.

Тақырыпқа байланысты тапсырмаларды орындау.

Сабақта кім көп баскетбол доптарын жинайды, сол жақсы баға алады.

(Тақтадағы бағалау критерийлеріне назар аударту)

Тақтаға бірнеше оқушыны шақыртамын, тағы бір оқушы мұғалім болады өткен тақырыптардан орысша сөздерді айтып отырады, тақтаға шыққан оқушылар тез жауап берулері тиіс, осылайша оқушылар тізбектеп бәрі бір сөзден сұрайды.

Мен баскетбол ойнаймын Біз баскетбол ойнаймыз

Сен баскетбол ойнайсың Сендер баскетбол ойнайсыңдар

Сіз баскетбол ойнайсыз Сіздер баскетбол ойнайсыздар

Ол баскетбол ойнайды Олар баскетбол ойнайды

Сергіту:

(Музыка әуенімен орындалады)

Тапсырманы орындату:

Мұғалім Оқушылар хормен (әр қайсысы)

Орнымыздан тұрамыз Мен орнымнан тұрдым

Қолды иыққа қой Мен қолымды иыққа қойдым

Қолды белге қой Мен қолымды белге қойдым

Бір орнында жүр Мен бір орнымда жүрдім

Секір Мен секірдім

Орныңа отыр Мен орныма отырдым

Оқылым:

2 – тапсырма:

Диалогты оқу, аудару

Тақырыптың төңірегінде диалог құру

Допты ал Допты лақтыр

Допты бер Допты ұста

Допты жерге соқ Допты қой

Тақтаға шығу, қораптан қағаз алып шығып, орысша сөйлем алып шығып дауыстап оқу, оны аудару

Сабақ барысында оқушылардың жауабына сай «баскетбол доптары» таратылады, соңында доптар саналып оқушылар бағаланады

Доп себеттің ішінде. (Бәрін білдім, сабақты жақсы түсіндім)

Доп себетке жақын тұр. (Түсінбеген жерлерім болды)

Доп себетке ұшып барады. (Сабақты толық түсінбедім)

Оқушылардың қазақ тілі пәніне деген қызығушылықтарын арттыру мақсатында сабағымды жоспарлауда оқытудың белсенді әдіс-тәсілдерін қолдануға тырыстым. Сабақтың әр кезеңінде оқушылардың байланыстыра сөйлеу, сөздік қорларын молайту көзделді. Айтылым, жазылым, оқылым, тыңдалым, тілдесім дағдыларының әрқайсысының сабақта орын алуына аса назар аудардым. «Ойын арқылы оқыту», «Диалогтық оқыту», «СТО» технологияларының элементтерін сабақпен ұштастыра өткізіп, оқушылардың ойын, қиялын, есте сақтау дағдысын қалыптастыру қарастырылды.

Сабақты беру барысында сабақтың әр кезеңіндегі жоспарланған іс-әрекеттердің барлығының толығымен орындалуына, оқушылар белсенділікпен әрбір тапсырманы берілген уақытты тиімді пайдалана отырып орындап шыққандарына қарағанда сабақ жоспарланған мақсатына жетті деп санауға болады. Тек сабақтың ұйымдастыру кезеңіндегі техникалық себептер бойынша видеоролик көрсету мүмкіндігі болмай, «Көктем келді» әнін тек тындау мүмкіндігі ғана болды, сонда да бұл сабақтың ұйымдастыру кезеңінің өз мақсатына жетуіне еш кедергісін тигізген жоқ, оқушылар көңілді әнді тыңдап, әннің сөзіне көңіл бөліп, назарларын сабаққа аударды.

Сабақ басында оқушылар бағалау критерийлерімен танысты, жақсы баға алулары үшін, 4-6 көлеміндегі «Баскетбол доптарын» жинау керек болатын, сабақ соңында 6 доп алған балалар саны аз болды, 2-3 доп қана жинап, бірақ өздеріне берілген тапсырманы жоғары деңгейде орындап шыққан (диалогты жақсы құруы, үй тапсырмасы бойынша сөздерді жатқа білуі, сөйлемдерді жақсы аударуы) оқушылар болды. Сондықтан сабақтың әр кезеңінде оқушыларды бағалауда өте жақсы жауаптарға 2 доптан беріп отыруым керек еді деген ой түйдім. Бұл ретте оқушылар маған көмекке келді, олар бір-бірінің жауабын талқылай отырып, бірін -бірі бағалады.