Сабақтың мақсаты: Білімділік: Өз елінің тарихын білумен қатар, өлкедегі тарих қойнауындағы әлі де болса беймәлім тарихи- мәдени ескерткіштерді зерттеп , перзенттік үлесін қоса білетін білімпаз, саналы , адамгершілігі мол ұрпақ ретінде білімді жетілдіру. Оқушыларға мәдени, тарихи ошағымыз Шардара қаласы жөнінде жан –жақты ақпарат беру.
Тарихи оқиғаларға өз бетінше баға беруге жол ашу, жеке шығармашылық қабілеттерін шыңдау.
Міндеті; Әрбір адамға ең жақын, ең қасиетті мекен – туған жері, туған жерінің тарихы , тарихи мәдени ескерткіштері, қойнауы шежіреге толы туған елім туралы зерттеу жұмыстарын жүргізу.
Өз ауылымыздағы игіліктер мен жалпы адамзаттық мәдени мұраның сабақтастығын сақтай отырып , тарихымызды зерделеу.
Дамытушылық: Оқушылардың тіл байлығын, көпшілік алдында сөйлеу қабілетін, жан –жақтылығын, зейінін , есте сақтау қабілетін дамыту, ой-өрісін кеңейту.
Тәрбиелік: Оқушыларға Отан тарихының бір бөлігі болып саналатын Шардара қаласының тарихын сипаттау арқылы патриотизмге баулу.
Пән аралық байланыс: Шежірелі Шардара, астрономия, өлкетану , әдебиет т.б.
Сабақтың әдісі –тәсілдері: Ауызша әңгімелеу, түсіндіру, жаппай сұрау, сұрақ –жауап, СТО элементін пайдалану ,АКТ қолдану , оқытудағы көшбасшылық, семантикалық карталар қолдану,
Сабақтың түрі: Аралас сабақ
Сабақтың барысы :
I –Ұйымдастыру кезеңі
1.Білім алушыларды түгендеу.
2. Білім алушылардың назарын сабаққа аудару.
3. Психологиялық дайындық
Оқушылар шаттық шеңберін құру арқылы, оқушылардың, барлығы тақтаға шығып бір-бірлеріне тілек айтып, үш фигураны таңдау арқылы топқа бөлінеді.
Әр топқа топ басшы сайладық, топ басшыға бағалау парақшасы таратылады, сабақтың соңында жеңімпазды анықтаймыз.
Ауызша сұрақ –жауап: Шардара су электр стансасы ?
Шардара мақта зауыты ?
Жасампаздыққа толы жылдарым менің ?
Шардара ауданының құрметті азаматы Маулен Қалмырзаев ?
Есімнен кетпес есімдер ?
Маңдай тердің майданы ?
Өткен күнде белгі бар ?
Ұлағатты ұстаздар
Шардарадан шыққан өнер жұлдыздары ?
III- Жаңа сабақтың тақырыбы: Шардара белестер биігінде
Жоспары: Шардара қаласының құрылуы.
Су электр стансасының құрылысы.
Шардараны туризмге айналдыра аламызба .
Мұғалім сөзі Шардара құрылысы туралы мәлімет бердім.Шардара ауданы – Оңтүстік Қазақстан облыстың оңтүстік – батыс бөлігіндегі аумақтық-әкімшілік бөлік.Жерінің аумағы13 мың км . Тұрғын саны 70,0 мың адам. Орталығы Шардара қаласы.
Шардара қаласы 1958 жылы тамыз айынан басталды. Нақ сол кезде Шардара құрылыс басқармасы құрылып, оның бастығы Ә. К. Қасымов бастаған 26 адам қазіргі Шардара қаласы орналасқан Жаушықұмға келіп қоныс тепкен еді. Климаттық жағдайы төзімділік пен табандылықты қайсарлық пен қажымас қажыр қайратты талап ететін Қызылқұмда толассыз еңбек өз арнасын тапты.
IV-Жаңа тақырып бойынша бейнебаян керсетіледі. Сол бейне баянды көре отырып оқушылар постер қорғайды.
1-топ Шардара қаласының құрылуы туралы постер қорғайды.
2-топ Шардараны туризмге айналдыру керек деп, макетін жасайды .
VI- Қорытынды: Тарихи өлкетанудың маңызы Отанға деген сүйіспеншіліктен бастау алатынын айтып, өздерінің туған өлкелерінде қандай ғылыми өлкетану жұмыстары жүргізіліп жатқанына тоқталады, оның жалпы тарих ғылымына қоскан үлесін атап айтып кетеді.