Моңғол империясындағы жоғарғы билік тұжырымдамасы. Шыңғыс ханның әкесінде хан атағы болған жоқ. Темучиннің хан атағына құқығын негіздеу мақсатымен оның әкесі Есугей қағанның жиені болған деген аңыз шығарылды. Дүниежүзілік империя құрылғаннан кейін Шыңғыс ханның басшылық құқығы туралы мәселе туындады. Жеңістерге жеткен Шыңғыс хан өзі мен өз халқының Құдайдың құдіретімен Көктің (аспанның) қамқорлығында екендігіне сене бастады. Бұған оның қол астындағылар да сенді. Шыңғыс ханның жердегі империяны басқаруы «көктің қалауы» екендігі туралы идея Ұлы Моңғол мемлекетінің ресми идеологиясына айналды. Шыңғыс ханның барлық мұрагерінің қызметі осы идеологияға негізделді. Онда Шыңғыс хан ұрпақтарының дүниежүзіне билігінің мызғымастығы мен моңғолдардың басқа халықтарға басшылық жасау рөлі жарияланған еді.
