Саусаққа-саусақ перкуссиясының методикасы

• 
  Плессиметр саусақты ұзына бойына перкуссия жасайтын мүшенің үстіне тығыз орналастырады. Сол қолдың басқа саусақтары плессиметрге және науқас денесіне тиіп тұрмауы керек.
  
• 
  Балға саусақтың соққысы плессиметрдің ортаңғы не шеткі фалангасына 2-3 рет тұрақты ырғақпен перпендикулярлі түсуі керек.
  
• 
  Перкуссиялық соққы (қағу) тек білезік буынның қимылы арқылы іске асырылуы керек.
  
• 
  Перкуссиялық соққы қысқа болу керек. Ол .шін перкуссиялық соққыдан кейін балға саусақты плессиметрден тез алып кету керек.
  
• 
  Әр перкуссиялық соққының күші бірдей болу керек.
  
• 
  Қойған мақсатына қарай күшті, не терең және жай (әлсіз, не тайыз) перкуссия болады. Күшті перкуссияда қағуға белгілі бір күш салынады, ал, жай перкуссияда қағудан пайда болған дыбыс әрең-әрең естілетін болу керек.
  

Топографиялық перкуссияның мақсаты- әртүрлі органның шегін, мөлшерін және конфиргурациясын анықтау. Топографиялық перкуссия әр мүшенің әр түрлі перкуссиялық дыбыс беретініне негізделген.

Салыстырмалы перкуссияның мақсаты-мүшелерде патологиялық өзгерістерді (элементтерді,орындарды) табу. Дененің сииметриялық нүктесінде перкуссиялық дыбыстың да бірдей болатыны-салыстырмалы перкуссияның негізі. Жалпы салыстырмалы перкуссия тек өкпені зерртеу үшін пайдаланылады. Топографиялық және салыстырмалы перкуссияның өзіндік ережелері бар.

Топоргафиялық перкуссияның жалпы ережелері:

• 
  Перкуссияны анық дыбыстан жай дыбысқа қарай жүргізі керек, айқын дыбыстың жай дыбысқа ауысуы, әлсіз дыбыстың айқын дыбысқа ауысқанынан тезірек байқалады.
  
• 
  Плессиметр саусақты анықтайтын шекараға паралель қою керек.
  
• 
  Плессиметрдің анықтайтын шекараға қарай қозғалыс бағыты сол шекараға перпендикуляр болуы керек.
  
• 
  Топографиялық перкуссияда жай перкуссияны пайдану керек.
  
• 
  Шекараны плессиметрдің айқын дыбысқа қараған жағынан белгілеу керек, екінші сөзбен айтқанда «Қай жақтан келдің,сол жаққа белгіле!».
  

• 
  Салыстырмалы перкуссияда симметриялық нүктелер үстінің дыбысын салыстыру керек.
  
• 
  Перкуссиялық қағудың күші екі жақтан да бірдей болу керек.
  
• 
  Салыстырмалы перкуссия үшін күшті де, жай да перкуссия қолданылуы керек.