6. Зерттеунәтижелерін құжаттау Зерттеу нәтижелерін құжаттау – Сабақты зертеу/Lesson Study үдерісінің маңызды құраушысы болып табылады, себебі оның негізінде әріптестермен тәжірибе алмасуды ұйымдастыруға болады.
Құжаттаудың мәні зерттеу дәлелдемелерін/нәтижелерін жинақтау мен есептілікті ұсынуда жатыр.
Есеп зерттеу топтарының алдын-ала талқылаған және әзірлеген формалары бойынша жасалынады. Көлемі үлкен болып табылатын папкалар жинақтау ұсынылмайды, себебі ол таңдаудың нәтижесі емес.
Төменде есептілік парағы (1-кесте) ұсынылған. Оны дәлелдемелердің үлкен көлемі талданған соң толтырылады. Нәтижені постерлер, плакаттар, таныстырылымдар, әдістемелік құралдар және т.с.с. түрінде ұсынылуы мүмкін.
1-кесте
Lesson Study тобының жұмысы бойынша есептілік парағы
Lesson Study өткізу бойынша дәлелдемелер алуан түрлі болуы мүмкін: жазбаша және ауызша.
Адамдар белгілі уақыт аралығында бірге жұмыс істеген кезде жақсы жазбалардың мәні зор болып табылады. Әрбір кеңеске арналған ескертулерді сақтап отыратын команда мүшесін тағайындау – жақсы шешім. Сіздің жұмысыңыздың нақты жазбалары уақыт озған сайын алға ілгерілеуді анықтауға және кездесуден келесі кездесуге дейінгі бірізділікті орнатуға көмектеседі. Тағы да бір ыңғайлы тәсіл – команданың әрбір мүшесі қажеттілікке байланысты материалды қоса алатындай етіп ортақ файлды қолдану.
Фотосуреттер, бейне және аудиожазбалар сіздің әрекетіңіздің күшті дәлелдемелері болып табылады. Олардың көлемі әжептәуір үлкен, сондықтан да оларды электрондық бұлтта сақтау оңтайлы және қауіпсіз шешім болуы мүмкін.
