Сағынбай Айзада 210Б Пән атауы:Философия
Тақырып: №5
Практикалық сабақ: Таным және шығармашылық
Тапсырма №1. Төмендегі сұрақтарға жауап беріңіз:
1. Танымның түрлері: сезімдік және рационалды Таным теориясы - философия ғылымының саласы. Басқаша айтқанда, адамның тану қабілеті, танымның бастауы, формалары мен әдістері, ақиқат және оған жетудің жолдары туралы ілім. Таным теориясы туралы термин философия ғылымына 1854 жылы шотланд философы Дж.Феррердің еңбектері арқылы енді. Таным - өте күрделі үрдіс, оған адамның бүкіл жан-дүниесі – түйсіктері, ақыл-ойы, сезім тебіреністері, ішкі көкей көзі интуиция – бәрі де өзара бір-бірімен байланысты түрде қатысады. Танымның негізгі мақсаты – ақиқатқа жету, соның нәтижесінде ғана оны практикалық өмірде пайдалануға жол ашылады. Шынайы таным үрдісінде оларды бір-бірінен ажырату мүмкін емес. Дегенмен де, танымды жете түсіну үшін біз теоретикалық деңгейде оларды бір-бірінен ажыратып қарастыруымыз керек. Осыған байланысты танымды сезімдік және рационалды деп екі сатыға бөлеміз.
