Зерттеу объектісі. XX ғасыр басындағы Қазақстанның әлеуметтік-экономикалық даму жағдайы.
Зерттеу жұмысының теориялық және әдіснамалық негізі. Дипломдық зерттеу барысында жаһандық - өркениеттік және отандық-сараптауға негізделген көзқарастар мен тарихи зерттеу саласындағы жалпылама ғылыми талдау тәсілдері негізгі бағыт болды. Зерттеу тақырыбына қатысты арнайы құжаттар мен деректерге сараптама жасай отырып, тарихи білімді жүйелеу негізінде тарихилық және тарихи объективтілік қағидалары мен заңдылықтарына баса назарға алынды. Сондай –ақ деректерді тарихи - салыстыру, сыни көзқарас тұрғысынан салыстыра талдау тәсілдері пайдаланылды.
Ғылыми болжам.Тәуелсіздік алған алғашқы уақыттардан бастап, ел тарихына қатысты «ақтаңдақ беттерді» ұлттық сана тұрғысынынан қайта сараптап, егемендік талабына сай тұжырымдау өзекті мәселелердің негізгісі болғаны анық. Зерттеу мәселесіне сай бүкіл ел болып қазақ елінің тарихын тұжырымдап, жүйелі түрдегі тарихты жазу мемлекет басшысы Қ.К. Тоқаевтың «Тәуелсіздік бәрінен қымбат» мақаласындағы көзделген ұлттық мүддені және жалпы ұлттық идеяны жүзеге асырудағы тигізер ықпалы зерттеу жұмысының ғылыми болжамын анықтайды.
