Саяси жетекшiлiк туралы ұғым. Саяси iс-әрекеттi жүзеге асыруда саяси жетекшiлердiң, топ бастаушылардың (лидер), серкелердiң орны ерекше. Оған ха¬лықтың немесе белгiлi бiр әлеуметтiк топтың мүддесiн толық сезiнiп, қорғай бiлетiн, бойына саяси қайраткерге лайықты қасиеттердi жия бiлғен адам жатады. Ол алға қойған мақсатқа жету үшiн қаланың, аймақтың, мемлекеттiң көлемiнде адамдардың күш-жiгерiн бiрiктiрiп, белсендi ықпал ете алады. Соңғы кезде бұл атаудың мағынасы кеңейе тұстi. Өйткенi саяси топ бастаушыға басқарушы қызметтi ресми түрде атқармайтың, бiрақ саяси өмiрде беделдi, аты шыққан адамдарды да жатқызып жүр.
Саяси жетекшiлiктiң, топ бастарлықтың (лидерлiктiң) табиғатын, сыр-сипатын ғалымдар ерте заманнан-ақ бiлгiлерi келген. Солардың iшiнде ерекше көзге түсетiн Н. Макиавеллидiң "Патша" деген еңбегiндегi тиiмдi басшылық. Ол басшы мен бағынушыньщ өзара катынасына негiзделген мынадай терт ережеден тұрады: 1) басшының билiгi оны жақтаушылардың қол-дауына сүйенедi; 2) бағынушылар өз басшысынан ненi күтедi және өз кезегiнде басшы олардан ненi күтуi мұмкiн соны бiлулерi керек; 3) топ бастаушының қандай жағдай болмасын аман қаларлық қайрат-жiгерi, қабiлетi болуға тиiс; 4) басқарушы өз жақтастарына даналық пен әдiлеттiлiқтiң үлгiсi болуы керек.
