Семей полигоны – КСРО ядролық сынақ полигондарының бірі, аса маңызды стратегиялық объектісі болды. КСРО заманында сынақ жасауға арнайы 18 млн га жер бөлініп, Семей ядролық полигоны ашылды.
Қамтыған аймақтары
Семей облысы, Абырлы ауданы және Павлодар мен Қарағанды облыстарының біраз жерін қамтыды.
Зардаптары
1000 адамға шаққандағы өлім саны 8,0 (Республикада 7,5), балалар өлімі – 33,9 (29,4), нәрестелердің 1987жылғы өлімі – 27,8 (19,7) жетті. 100000 адамға шаққандағы қатерлі ісік пен ауырғандар саны – 191,7 болды.
1949 – 89ж.ж аралығында қуаты әртүрлі 470 – тей жарылыстар жасалды. Оның 90 – ы әуеде, 26 – сы жер үстінде, 354 – і жер астында өткізілген. Алғашқы сынақ 1949 жылы 29 тамызда таңғы сағат 6:30 – да Абай және Абырлы аудандарында халыққа ескертілместен жүргізілді.
Семей полигонында 1951 жылдың 18 қазан айында уран бомбасы, 1953 жылдың 12 тамызында жер үстінде алғаш рет қуаттылығы 500 килотонна болатын сутегі бомбасы сыналды. 1961 – 62жж әуеде және жер үстінде 50 – дей ядролық сынақ өткізілді.1963 – 88 ж.ж жылына 14 – 18 сынақ өткізіліп, жер астында барлығы 343 ядролық жарылыс жасалған. Семей ядролық полигонындағы сынақ қуаты Хиросимаға тасталған бомбадан 2,5 есеге асып түскен.
Категориялар
Жарылыс орталығынан 100 – 150 шақырым қашықтықта орналасқан. Абай, Бесқарағай және бұрынғы Абырлы, Жаңасемей, Шұбартау ауданы мен Семей қаласы жатады.
