Қорыту және жүйелеу сабағы

Сабақтың бұл типі негізгі дидактикалық міндеттердің екеуін шешуге бағытталған-оқушылардың күнделікті өтіп жатқан материалды меңгеру деңгейін тексеру, екіншісі, оқушылардың жыл бойғы, тоқсандағы бағдарламаны меңгеруін тексеру үшін бақылау жүргізу. Психологиялық тұрғыдан алғанда бұл сабақтар оқушылардың жүйелі түрде үлкен бөлімдерді, ірі оқу материалдарының ірі блоктарын қайталауы-оларға оның жүйелік сипатын түсіндіруге көп мәселелерді шешуге мүмкіндік береді.

Қорыту және жүйелеу сабақтар сабақтың барлық бес түрінде қолданылады. Бұның бір ерекшілігі мұғалім бір жаңа материал меңгеруінің алдында оқушыларға сұрақтар беруі мүмкін, алдын ала қарастыратын құжаттарды оқуға тапсырма беруі мүмкін. Ол үшін мұғалім әр оқушымен немесе топпен жұмыс істейді, сілтеулер жасайды. Жоғарғы сыныптарда ең көп тараған қорыту және жүйелеу сабақтар көп мәселе қозғайтын пікірталас сабақтары немесе семинар сабақтары. Себебі бұл сабақтарда оқыған материалдарды тереңірек және жүйеленген түрде меңгереді, сонымен қатар осындай сабақтардың барысында оқушылардың теориялық және тәжірбиелік сипаттағы шығармашылық белсенділіктері артады.