Білімді, іскерлікті, дағдыны жетілдіру сабағы

Осы сабақтарда шешілетін дидактикалық негізгі міндеттері мыналарға негізделеді: а) жаңа білімдерді жүйелеу және қорыту; б) бұрынғы өткен материалдарды қайталау және бекіту; в) бұрыңғы өткендерді кеңейту мен тереңдету үшін тәжірбиеде жүзеге асыру; г) дағдылар мен іскерліктерді қалыптастыру; д) жаңа материалды меңгеру және білімді, дағдыны, іскерлікті жетілдіру барысында бақылау жасау.

Жіктелудің көбісінде сабақтың бұл типі бірнеше түрлерге бөлінеді: меңгеріп жатқан материалды бекіту сабағы; қайталау сабағы; білімді іскелікті, дағдыны кешенді қолдану сабағы; іскерлік пен дағдыны қалыптастыру сабағы, және т.б. Алайда, «таза» қайталау, немесе іскерлік пен дағды қалыптастыру сабағы жүрсе, бұның тиімділігі аз, сондықтан да меңгерген материалдарды тәжірбие түрінде қолданған дұрыс. Бұл сабақтың түрлері болып мыналар : а) өзбетінше жұмыстар сабағы; б)зертханалық жұмыс сабағы; в)тәжірбиелік жұмыстар сабағы; г) серуен -сабағы; д) семинар сабағы.

Жоғарыда келтірілген сабақтардың-түрлері оқушыларды бір уақытта өткен материалды қайталауы мен қолдануы-көптеген жағдайларды өзгертеді. Оқушы жаңа материалды оқу барысында тек сол сабақққа қатысты ғана емес, жан-жақты пән-аралық және тақырыпаралық деңгейде білімін жетілдіреді. Сабаққа жоспар жасау барысында қайталау мен қатар бақылау жұмысын немесе білімді жүйелендіруге болады. Ю.Б.Зотов, әділ айтқан, бір сабақ ішінде сабақ жүргізудің төрт түрін он минуттан қолданса , қырық минут бойы бір сабақ түрімен түсіндіргенше сол тиімді, бірақ бұл сұраққа механикалық түрде қарамауымыз керек. Ең бастысы, мұғалім осы сабақтың түрлерін бірінен-кейін бірін оқушылардың білімін жаппай және жеке сұрастыруымен , жазбаша, ауызша және практикалық жұмыстармен, сондай-ақ өзіндік оқу жұмыстарымен ұштастыра, яғни дұрыс сабақтастырылуы керек. Оқу жағдайының әр түрлі болуына байланысты сабақ құрылымының түрлі әдістемелік тәсілдерге сүйенуі методикалық әдісі болуы керек. Ол сабақ мақсатына, дидактикалық міндеттеріне байланысты сабақта шешіледі.