Калий алмасуының жалпы сипаттамасы. Калийдің биологиялық ролі. Калий де ағзаның маңызды электролиттерінің бірі және келесі биологиялық қызметтерді атқарады: -1. Калий негізгі жасуша ішілік ионжәне натриймен бірге плазмалық мембрананың екі жағындағы потенциалдар айырмасын дамытады. Бұл жасушаға жүйке импульсін өткізуді қамтамассыз етеді. -2. Калий бүйрек каналшаларынан реабсорцияланатын натрийдің орынына протонмен (сутек ионы) бәсекелі секрецияланады. Бұл механизм қышқылдық-сілтілік баланс немесе буферлік жүйенің реттелуіне калийдің қатысуын қамтамассыз етеді. Нәтижесінде протон «үнемделіп» буферлік жүйенің қалыпты мәні сақталады. Мысалы, калий жетіспеушілігінде негізінен Н+ секрецияланады – бұл алкалоз дамуына әкеледі. -3. Калий көптеген ферменттердің актвиті орталығы құрамына кіреді және кейбір ферменттердің аллостерлік модуляторы. -4. Калий бұлшықет тонусы мен жиырылуын жоғарлатады.
