СТАНДАРТ
Ампуладан дәрі сорып алу.
Мақсаты: дәрі-дәрмекті парентеральді енгізу.
Қолдануы: дәрігердің тағайындалуы.
Әзірле:стерильді: бір реттік шприц, мақта, қолғап, тағайындалған дәрі-дәрмек, 700 спирт, лоток, 6% асқын су тотығындағы пинцет; кескіш, КҚЖҚ.
Іс-әрекет алгоритмі:
-
Тағайындалған дәрі – дәрмекті дәрігердің тағайындау парағымен тексер.
-
Дәрінің атын, дозасын, сақтау мерзімін мұқият оқыңыз, бүтіндігін, мөлдірлігін тексеріңіз.
-
Қолды гигиеналық деңгейде жуып, тері антисептиктерімен залалсыздандырыңыз. Қолғап киіңіз.
-
Бір реттік шприцті құрастырыңыз.
-
Сол қолмен ампуланы ұстап, егер дәрі бас жағына кетіп қалған болса, бір саусақпен шертіп отырып төмен қарай түсіріңіз.
-
Ампуланың мойнын стерильді мақтаны спиртке малып алып, жоғарыдан төмен қарай сүртіңіз де, мақтаны КҚЖҚ-қа салыңыз.
-
Ампуланың мойнын кескішпен кесіңіз.
-
Стерильді мақтамен ампуланың мойнынан ұстап, өзінен әрі қарай сындырыңыз. Ампуланың сынған бөлігін мақтамен бірге КҚЖҚ-қа салыңыз.
-
Сол қолдың ІІ-ІІІ саусағының арасына ампуланы орналастырыңыз.
-
Оң қолға шприцті алыңыз, екінші саусағымен канюляны, ал қалған саусақпен цилиндрді ұстаңыз.
-
Ампуланың жан жағына тигізбей, инені ішіне 0,5см ұзындыққа енгізіңіз. Бұл кезде сол қолдың І және ІV саусағы канюляда, V саусағы-цилиндрде. Оң қолмен поршеньді төмен қарай тартып қажетті дәрінің мөлшерін сорып алыңыз.
-
Дәрінің мөлшері азайған сайын ампуланың түбін жоғары қаратып дәріні жаймендеп сорып алыңыз.
-
Ерітіндіге арналған инені ауыстырып, инъекцияға арналған инені кигізіңіз. Бір реттік қолдануға арналған шприцпен жұмыс кезінде басқа стерильді шприцтің инесін қолданыңыз.
-
Шприцті тігінен ұстап иненің көзінен 1-2 тамшы дәрілік сұйықтық шыққанша ауасын шығарыңыз. Бұл кезде иненің қалпағы жабық.
-
Әзірленген шприцті пакет ішіне салыңыз.
-
Қолғапты шешіп, КҚЖҚ-қа салыңыз, қолды жуып кептіріңіз.
Достарыңызбен бөлісу: |
