Тақырыбы: Базидиомицеттер класы
жүктеу/скачать 31,62 Kb.
|
Лекция-1629218894728
- Бұл бет үшін навигация:
- Дәрістің мазмұны
- Дәріс мақсаты
- БАЗИДИОМИЦЕТТЕР КЛАСЫ (БАЗИДИОМИЦЕТЫ) - Basidiomycetes
|
Тақырыбы: Базидиомицеттер класы Базидиомицетердің классификациясы Холобазидиомицеттердің гетеробазидиомицеттерден айырмашылығы Қаракүйе, тат саңырауқұлақтар Дәрістің мазмұны: Базидиалды саңырауқұлақтар, спора түзуші – базидия. Кл/асты. Холобазидиальды саңырауқұлақтар: экзобазидиальды саңырауқұлақтар, гименомицеттер. Плектаскалар тұқымдасы: түлкіжем, рыжиктер, грузд, волнушкалар; трутовиктер: трутовик, ақ саңырауқұлақ, аққайың саңырауқұлағы. Гастромицеттер қатары. Дәріс мақсаты: Студенттерді жеуге жарайтын және улы саңырауқұлақтардың биологиялық және экологиялық ерекшеліктерімен таныстыру. Табиғаттағы маңызын білу. Саңырауқұлақтардың табиғаттағы және адам өміріндегі маңызын түсіндіру. БАЗИДИОМИЦЕТТЕР КЛАСЫ (БАЗИДИОМИЦЕТЫ) - Basidiomycetes Түрлерінің жалпы саны 30 мыңдай болады. Мицелийлері көлденең перделері арқылы бірнеше бөліктерге бөлінген гифалардан тұрады. Жыныссыз көбеюі конидийлері арқылы жүзеге асады, бірақ ол сирек болады. Жыныстық процесі екі гаплоидты гифаның бөліктерінің (члеников) қосылуы арқылы жүзеге асады. Арнайы жыныстық көбею органы болмайды. Гетеротальды түрлерінің (олар осы кластың басым көпшілігін құрайды) мицелийлерінің қарама-қарсы белгілері бар (+ және -) особьтарының гифалары қосылады. Бұл жағдайда дикариондар түзіледі, олардың ядролары келешегінде синхронды бөлінеді. Жыныс процесі дикарионның ядроларының қосылуымен, мейозбен және төрт базидиоспорасы бар базидийдің түзілуімен аяқталады. Құрылысы жағынан базидийлер әртүрлі болады: холобазидия – жекелеген бөліктерге (члеников) бөлінбеген, бірклеткалы, түйрегіштің басы тәрізді өсінді; гетеробазидия екі бөліктен тұрады – төменгі кеңейген бөліктен (гипобазидия) және гипобазидияның өсімдісі болып табылатын үстіңгі бөліктен (эпибазидия); Эпибазидия көп жағдайда екі немесе төрт бөліктен тұрады және олар бірқатар түрлерінде гипобазидиядан көлденең перделері арқылы бөлініп тұрады. Мұндай күрделі базидияны гетеробазидия деп атайды. Базидийдің үшінші түрі фрагмобазидия – көлденең перделері арқылы төрт бөлікке (клеткаға) бөлінген болады. Әдетте фрагмобазидия тыныштық қалыпта болатын қабықшалары қалың телиоспора деп аталатын клеткадан пайда болады, сондықтанда оны телобазидия деп атайды. Базидиомицеттердің өмірлік циклында дикарионды фаза басым болып келеді, ал гаплоидты және диплоидты фазалары өте қысқа. көптеген түрлерінің базидиоспоралары формасы мен мөлшері әртүрлі болып келетін жемісті денелерінде түзіледі. Концистенциясы жағынан жемісті дене борпылдақ, өрмекшінің торы тәрізді, тығыздалған киіз тәрізді, көн тәрізді және ағаш тәрізді қатты болып келеді. Гимений қабаты көп жағдайда жемісті дененің төменгі жағында орналасады. Ол базидийден, парафизден және цистадан тұрады. Цистада – гимениальды қабаттың үстінен көтеріліп көрініп тұратын парафиздерге, басқа мүшелеріне (членики) қарағанда біршама үлкен болады. Жемісті дененің гимений түзілетін бетін гименифора деп атайды. Базидиальды саңырауқұлақтар үш клас тармағына бөлінеді: холобазидиомицеттер, гетеробазидиомицеттер, телобазидиомицеттер. жүктеу/скачать 31,62 Kb. Достарыңызбен бөлісу:
|