Марат Оспанов атындағы Батыс Қазақстан Мемлекеттік Медицина Университеті Мамандығы: Жалпы медицина Кафедрасы: Микробиология және иммунология Студенттің өзіндік жұмысы
Иммунитет (латынша іm-munіtas – босап шығу, арылу, құтылу) немесе Төтемелілік — организмнің антигендік қасиеттері бар жұқпалы және жұқпалы емес бөгде заттарды, жұқпалы аурулар қоздырғышын немесе олар бөліп шығаратын кейбір улы заттарды қабылдамаушылық қасиеті және оларға қарсы тұру қабілеті. Организмнің бұл қасиеті оның жеке басының тіршілік ортасына бейімделу ерекшеліктерімен тікелей байланысты. Иммунитет кезінде организмде аса күрделі биологиялық процестер жүріп, организмнің қорғаныштық қасиеті арта түседі. Соның нәтижесінде түрлі зиянды микроорганизмдерді, олардың уларын, т.б. бөгде заттарды ыдыратып, бейтараптап жойып жіберетін қабілеті күшейеді.
Жергілікті иммунитет, ағзаға ешқандай микробтардың жағымсыз әсері болмаса да ағзада үнемі кездеседі. Оларға жататындар: Тері және шырышты қабықтар (тосқауылдық қасиеті); Шырышты қабықтардың секреттеріндегі бактерицидтік заттар; Қанда, сілекейде, көз жасындағы әртүрлі қорғаушы заттар.
