Тақырыбы: «Кітап алтын сандық, іші толған қазына, құт» Мақсаты
жүктеу/скачать 16,22 Kb.
|
- Бұл бет үшін навигация:
- Көрнекілігі
- ІІІ. Қорытынды.
| Тақырыбы: «Кітап - алтын сандық, іші толған қазына, құт»
Мақсаты: Оқушыларға кітаптың адам өміріндегі маңызын, пайдасын түсіндіру; Оқушылардың кітапқа деген қызығушылығын арттыру; Тіл байлығын, сөйлеу қабілетін, ой-өрісін кеңейту, мейірімділікке, сауаттылыққа тәрбиелеу; Көрнекілігі: кітап көрмесі. Әдісі: түсіндіру, шығармашылық ізденіс, ой қозғау. Барысы. І. Ұйымдастыру бөлімі. Психологиялық дайындық. Сабақтың тақырыбын, мақсатын түсіндіру. ІІ. Жаңа сабақ Мұғалімнің кіріспе сөзі: Балалар біз бүгінгі сабағымызда кітап туралы, кітаптың адам өміріндегі маңызы туралы әңгімелейміз. Кітап арабтың «жазу, жазба» деген сөзінен шыққан. Алғашқы кітап басылымы ағаштан жасалған. Алғаш қазақ даласында кітап жазған Ахмет Байтұрсынұлы. Көркем әдебиеттерді көп оқу керек. Сонда оқу, жазу сауатың артады. Оқу арқылы жақсы мен жаманды айыра білесің.бізде оқушының оқуына барлық жағдай жасалған. Мектепте кітапхана бар. Күнделікті кітапханаға барып, кітап алып оқу оқушының білімін толықтырады. Себебі, кітап – біздің досымыз. Кітапсыз білім жоқ. Адамдар бар жақсыны кітаптан алады. 1-оқушы: Кітап оқу – рухани байлық. Кітап жан серігің, ақылдасар, сырласар досың. 2-оқушы: Кітапсыз адамның өмірі бос. Барлық білім кітапта. Кітаптан асқан қазына жоқ. Ешқандай байлық кітаптың орныны ауыстыра алмайды. 3-оқушы: Адамның досы – кітап – өмір кілті. Тең келмес оған жиған мүлкі. Ақылшы, жанға серік, жол бастаушы Асыл ғой кітап деген, өмір көркі. 4-оқушы: Кітаптан ұлттық құндылықтарымызды, тарихымызды білеміз. Ұлы тұлғалардың бәрі де ұлылыққа кітап оқу арқылы жеткен. 5-оқушы: Білекті бірді жығар, білімді мыңды жығар. Ақыл азбайды, білім тозбайды. 6-оқушы: Күш білімде, білім кітапта. Оқусыз білім жоқ, білімсіз күнің жоқ. Балалар, біз кітаптан көп нәрсе үйрендік, ендеше, білімімізді көрсетейік.
ҚР мемлекеттік тілі? (Қазақ тілі) «Кел, балалар, оқылық» өлеңінің авторы? (Ы. Алтынсарин) Басты байлық? (Денсаулық) Ел тәуелсіздігіне неше жыл? (20) Қазақша жыл басы? (Тышқан) Рәміздерді ата. (Ту, Елтаңба, Әнұран) Көру мүшесі? (Көз) Қатынас құралы? (Сөз) Орман дәрігері? (Тоқылдақ) Жылдан құр қалған жануар? (Түйе) Кітап – 1. Өзіңді, өзгені танытады. 2. Өмірді түсінуге көмектеседі. 3. Табиғат құпияларын ашады. 4. Болашаққа жетелейді. Ендеше ортаға «Менің атым Қожа» әңгімесінің авторы Бердібек Сопақбаев атамызды шақырайық. Фариза Оңғарсынова мен Ақұштап Бақтыгереева ханымдарды шақырамыз. Оқушылар кітаптарын алып шығады да кіріспе сөзбен түсіндіріп кетеді. Оқушылардың арасынан Хабар, Қазақстан, Астана, КТК арнасының тілшілерін сайлаймыз. Кітап, шығармалары туралы сұрақтар қою арқылы кітап мазмұнын ашады. Оқырмандар да өз ойларын ортаға салуына болады. ІІІ. Қорытынды. Балалар, бүгінгі тәрбие сағатамызда кітаптың адам өміріндегі алатын орны туралы, жалпы кітап туралы көп мағлұмат алдық. Түйіні: кітап біздің рухани азығымыз. Одан көп нәрсе үйренеміз. Білім көзі кітап болса, оны жасау үшін адам көп тер төгеді. Кітапты қадірлей, сүйе білуіміз керек. Ұлы адамдар да бәрін кітаптан үйренген. Кітап біздің досымыз, ұстазымыз. «Кітап - алтын сандық, іші толған қазына, құт»-деп сабағымызды аяқтаймыз. жүктеу/скачать 16,22 Kb. Достарыңызбен бөлісу:
|