Тақырыбы: Тәрбиелі ұл-абыройлы әке
жүктеу/скачать 14,75 Kb.
|
22наурыз
|
Тақырыбы: Тәрбиелі ұл-абыройлы әке. Мақсаты: Отбасы- шағын мемлекет екенін түсіндіру.Отбасындағы әкенің ролі, тәлім-тәрбиесінің маңызы туралы айта отырып ұлтжанды, мықты, батыр , тәрбиелі, саналы тұлға қалыптастыру. Кіріспе бөлім: әдемі безендірілген залға балалар әуен ырғағымен кіреді. Тәрбиеші: Ата-бабамыз бала тәрбиесіне ешқашан да бей-жай қарамаған. Ұл баланы ертеңгі абыройлы әке, қадірлі отағасы, елді қорғайтын ер, батыр, би, ақын, ұлттың намысты азаматы ретінде әділдікке, қайсарлыққа, кең, кешірімді болуына, өнерге, білімге, салт-дәстүрімізді сақтауға тәрбиелейтін болған. Әр отбасы – жеке мемлекет. Бұл мемлекеттің іргетасын қалаушы, оны басқарушы, отағасы – абыройлы әке. Олай болса «Тәрбиелі ұл-абыройлы әке» сайысына қош келдіңіздер дей отырып ортаға сайысқа қатысушы әкелерімізбен олардың балаларын шақырамыз. 1-ші номерлі: 2-ші нөмерлі: 3-ші номерлі: Біздің сайысымыздың жеңімпазын анықтау үшін әділ қазылар алқасымен таныстырайын. 1- бөбекжай-бақшаның меңгеруші: Динара Кәдірханқызы. 2- әдіскер: Света Жайшылыққызы. 3- психолог: Сания Жалғасбайқызы. Сайыс шарттарымен таныстырып өтейін: 1.Таныстыру. 2. «Мақалды жалғастыр» ережесі: берілген мақалдың жалғасын табу. 3. «Көп шар» ережесі: 2минут уақытта бірнеше шар үрлеп жіпсіз байлау, әкесі мен баласы бірге. 4.«Балабақшаға жиналдық» ережесі: 2минут ішінде бірнеше баланы киіндіру. Сайысымыздың 1-ші шарты таныстыру, ортаға: 1-ші сайскерімізді шақырамыз 2-ші сайыскеріміз 3-ші сайыскеріміз 1-ші сайысымыздың бағасын сұрайық. Отбасының мәдени-рухани, материалдық жағынан құлдырамай, мықты болуы -әкеге байланысты. Ұлы күш пен сабырлықтың иесі болып табылатын да – әке, олай болса, әкелерімізді ортаға шақырып 2-ші сайысымызды бастайық: «Мақалды жалғастыр». 2-ші сайысымыздың бағасын сұрайық. Ұл бала – қазақта шаңырақ иесі, ата-ананың ұрпағын жалғастырушы, әлсіздерге пана, еліне қорған. Олардың мойындарына артылған жүк те ауыр. Ер балаларымыз әкесіне қалай көмектеседі екен? 3-ші сайысымыз: «Көп шар», ортаға сайысқа қатысушыларды шақырайық. 3-ші сайысымыздың бағасын сұрайық. Әділ-қазылар алқасы қорытынды бағаны шығарғанша барлығымыз бірге «Қара жорға» биін билейік. Әкелер мен балалары бар өнерін салып көрермендер көңілінен шығып билеу қажет. Әділ-қазылар алқасына сөз кезегін берейік. Қорытынды: Ұл бала әкесіне ұқсас болғанын қалайды. Ұл бала әкесін үлгі тұтады. Әкенің мінез-құлқына қарап өседі. Қазақта біреудің баласы жақсы азамат болса: оның әкесі немесе атасы жақсы кісі еді, көргенді бала екен, өнегелі жерден шыққан ғой деп мақтайды. «Ұл тәрбиелей отырып, жер иесін тәрбиелейміз»деген , демек, алдымен жанұя жағдайы, онда қалыптасқан татулық пен өзара түсіністік, сүйіспеншілік пен сыйластық, отбасы мүшелерінің бір-біріне деген құрмет сезімдері арта берсін деп сайысымызды аяқтаймыз. РАХМЕТ! «Ең жүйрік, ең білімді , ең мықты» номинациялар. Анаң — күнің, жүрегің, Әкең — өмір тірегің. Сен — бақытты ұлансың, Бәрі саған қуансын! Әжең — асыл ардағың, Атаң — дана қорғаның. Сен — бақытты ұлансың, Бәрі соған қуансың! Ағаң — қамқор асқарың, Інің — мөлдір аспаның Сен — бақытты ұлансың, Бәрі соған қуансың! Қарындасың — қанатың, Ел-Отаның — жаннатың. Сен — бақытты ұлансың, Бәрі соған қуансың! Атам не айтсам көнетін, Апам көңіл бөлетін. Мен осы үйдің кенжесі, Бәрі жақсы көретін. Әкеден-ақыл, анадан-мейір. Әке көрген оқ жонар, шеше көрген тон пішер. Әке- асқар тау, ана- етегіндегі бұлақ, бала-жағасындағы құрақ. Ерді намыс өлтіреді, қоянды қамыс өлтіреді. Ағасы бардың- жағасы бар, інісі бардың- тынысы бар. Атадан ұл туса игі, ата жолын қуса игі. жүктеу/скачать 14,75 Kb. Достарыңызбен бөлісу:
|